యువతకు మరింత దగ్గరయ్యేందుకు సిద్ధమైంది పబ్ జీ. గత 8 నెలలుగా టెస్టింగ్ దశలో ఉన్న పబ్ జీ లైట్ యాప్ను యూజర్లకు అందుబాటులోకి తెచ్చింది. 80కి పైగా దేశాల్లో నేటి నుంచి పబ్ జీ లైట్ అందుబాటులో ఉండనున్నట్లు పబ్ జీ కార్పొరేషన్ వెల్లడించింది.
ఓపెన్ బీటా వెర్షన్లో గేమ్ కంటెంట్లో అదనపు మార్పులతో పాటు లైట్ పాస్ సదుపాయాన్ని అందుబాటులోకి తీసుకువచ్చింది. దీని ద్వారా గేమ్ మిషన్ను పూర్తి చేసేందుకు గేమర్లకు అవకాశం కలగనుంది.
4 వర్సెస్ 4 మ్యాచ్
సరికొత్త 4 వర్సెస్ 4 మోడ్ ఫీచర్ను పబ్ జీ లైట్లో అందుబాటులో ఉంచింది పబ్ జీ. నలుగురు సభ్యులతో కూడిన రెండు బృందాలు గేమ్లో పాల్గొనొచ్చు. ఖాళీ ప్రదేశంలో.. పడవలు, కంటైనర్లు, వాహనాల మధ్య గేమ్ను రూపొందించారు. ఇందులో ఏ జట్టు అయితే 30 మంది శత్రువులను చిత్తు చేస్తుందో వారే విజేతగా నిలుస్తారు.
