'మాటమీద ఎవరుంటారో ప్రజలకు తెలుసు'​

సారు.. కారు... పదహారు నినాదంతో ముందుకెళ్తున్న తెరాస ప్రచార జోరుని పెంచింది. మహబూబాబాద్​ సభకు హాజరైన కేసీఆర్​ కాంగ్రెస్​పార్టీపై మండిపడ్డారు. వారి ఎన్ని మాటలు చెప్పినా... మాటమీద ఎవరుంటారనేది ప్రజలకు తెలుసని పేర్కొన్నారు.

రెండు లక్షల రుణమాఫీ అన్నప్పటికీ కాంగ్రెస్​ను రైతులు నమ్మలేదని సీఎం కేసీఆర్​ మహబూబాబాద్​ బహిరంగ సభలో ఎద్దేవా చేశారు. మాటమీద ఎవరుంటారనేది ప్రజలకు తెలుసాని స్పష్టం చేశారు. భూముల విషయంలో రైతులు ఎదుర్కొంటున్న సమస్యలు తొలగిస్తామని హామీనిచ్చారు. రెవెన్యూ చట్టంలో సమూల మార్పులు చేస్తామని తెలిపారు. నెహ్రూ కాలం నుంచి పేదరికాన్ని పారదోలుతామని కాంగ్రెస్​ నేతలు చెప్పడం తప్ప చేసిందేమి లేదని మహబూబాబాద్ సభలో విమర్శించారు.