'పేదవారికి నాణ్యమైన విద్య అందించటమే లక్ష్యం'

నిజామాబాద్​ జిల్లాలోని రాంపూర్​లో జ్యోతిభాపూలే బీసీ గురుకుల పాఠశాల ప్రారంభమైంది. కార్యక్రమంలో కలెక్టర్​, ఎమ్మెల్యే తదితరులు పాల్గొని విద్యార్థులకు సూచనలిచ్చారు.

నిజామాబాద్ జిల్లా డిచ్​పల్లి మండలంలోని రాంపూర్​లో మహాత్మ జ్యోతిభా పూలే బీసీ గురుకుల పాఠశాలను ఎమ్మెల్యే బాజిరెడ్డి గోవర్దన్, ఎమ్మెల్సీ వీజీ గౌడ్ ప్రారంభించారు. అనంతరం నూతన పంచాయతీ భవనం, వీఆర్వో భవనం, ప్రభుత్వ వృద్ధాశ్రమంను ప్రారంభించారు. కార్యక్రమంలో జిల్లా పాలనాధికారి ఎం.రామ్మోహన్​రావు పాల్గొన్నారు. పేదవారికి నాణ్యమైన విద్య అందించాలని గురుకుల పాఠశాలలను ఏర్పాటు చేస్తున్నారని, విద్యతోపాటు పౌష్టికాహారం అందిస్తారని కలెక్టర్​ తెలిపారు. ప్రతిభ కలిగిన విద్యార్థులను గుర్తించి ఐఐటి, నీట్, సివిల్ సర్వీసెస్ వంటి పరీక్షలకు సన్నద్ధం చేస్తారన్నారు.

ఇవీ చూడండి: అది నిజంగా పోలీస్​ స్టేషనే..!