తమిళనాడులోని పొల్లాచ్చిలో యువతులపై లైంగిక వేధింపులకు పాల్పడిననలుగురు యువకులపై జరుపుతున్నవిచారణను సీబీఐకి అప్పగించిందిసీబీ-సీఐడీ.ఇటీవల వెలుగులోకి వచ్చిన ఈ ఘటన తమిళనాడు వ్యాప్తంగా ఇటు ప్రజల్లోనూ, అటు రాజకీయంగా తీవ్రదుమారం రేపింది.
నిందితులను కఠినంగా శిక్షించాలని తమిళనాడు వ్యాప్తంగా నిరసనలు వెల్లువెత్తుతున్నాయి.
ఇదీ నేపథ్యం
సామాజిక మధ్యమాల్లో యువతులను పరిచయం చేసుకుని, వారిని లైంగికంగా వేధించసాగారు శబరి, వసంత కుమార్, సతీష్ కుమార్, తిరువునాక్కరసు అనే నలుగురు యువకులు.
పొల్లాచ్చికి చెందిన ఓ 19 ఏళ్ల యువతికి ఇదే విధమైన అనుభవం ఎదురైంది. మనోవేధనకు గురైన ఆ యువతి తన సోదరుడితో ఈ విషయాన్ని చెప్పింది. యువతి సోదరుడి ఫిర్యాదు మేరకు కేసు నమోదు చేసుకుని ప్రాథమిక దర్యాప్తు చేశారు.
సామాజిక మాధ్యమాల్లో పరియం అయిన యువతులను స్నేహం పేరుతో వంచించి వారిని లైంగికంగా వేధించడం ఆ నలుగురు యువకులపని అని గుర్తించారు పోలీసులు. ఇలా ఇప్పటి వరకు50 మంది యువతులపై అఘాయిత్యానికి పాల్పడినట్టు తెలుసుకున్న పోలీసులు... విస్తుపోయే నిజాలు వెల్లడించారు.
యువతులను వేధించి ఆ వీడియోలను చరవాణిలో చిత్రీకరించి... వారిని డబ్బులకు, లైంగిక వాంఛల కోసం వాడుకుంటున్నారని వెల్లడించారు పోలీసులు.చెప్పినట్లు చేయకపోతే అశ్లీల వీడియోలను సామాజిక మాధ్యమాల్లో పోస్ట్ చేస్తామని బెదిరింపులకు దిగుతున్నట్లు పోలీసులు తెలిపారు.
పరువు పోతుందనే భయంతో ఇంతవరకు ఎవరూ పిర్యాదు చేయనందున ఈ దారుణం ఇన్ని రోజులు గుట్టుగా సాగింది.
ఇందులో రాజకీయ నేతల హస్తం ఉన్నట్లు వచ్చిన ఆరోపణల కారణంగా కేసు దర్యాప్తును సీబీ- సీఐడీకి అప్పగించినట్టు తమిళనాడు డీజీపీ రాజేంద్రన్ తెలిపారు. తాజాగా కేసును సీబీఐకి బదిలీ చేసింది సీబీ-సీఐడీ.
