యమునా నది ఉగ్రరూపం- దిల్లీకి డేంజర్ బెల్స్​

దిల్లీలోని యమునా నది ఉద్ధృతంగా ప్రవహిస్తోంది. వరదనీరు ప్రమాదకర స్థాయికి చేరింది. నదిలో నీటిమట్టం గరిష్ఠస్థాయి 205.33 మీటర్లను దాటినట్లు అధికారులు తెలిపారు. గంటగంటకూ నీటిమట్టం పెరుగుతోందన్నారు. ఇప్పటికే ముంపు ప్రాంతాల్లోని ప్రజలను సురక్షిత ప్రదేశాలకు తరలించామన్నారు.

భారీ వర్షాల కారణంగా దిల్లీలోని యమునా నది ఉప్పొంగుతోంది. నదిలో నీటిమట్టం గరిష్ఠస్థాయి 205.33 మీటర్లను దాటేసిందని దిల్లీ విపత్తు నిర్వహణ అధికారులు తెలిపారు. గంటగంటకూ నీటిమట్టం పెరుగుతోందన్నారు. దీంతో అన్నిశాఖలను అప్రమత్తం చేసినట్లు పేర్కొన్నారు.

హరియాణా ప్రభుత్వం కూడా హత్​నీకుంద్​ బ్యారేజీ ద్వారా నదిలోకి నీటిని విడుదల చేయటం ద్వారా నీరు ఉద్ధృతి పెరిగిందని వివరించారు.

వరద ఉద్ధృతి నేపథ్యంలో అధికార యంత్రాంగం అప్రమత్తమైంది. ఇప్పటికే ముంపు ప్రాంతాల్లోని ప్రజలను సురక్షిత ప్రదేశాలకు తరలించింది.

ఇదీ చదవండి: ఆ రాష్ట్రానికి వెళ్లొద్దని ప్రభుత్వం ఆదేశాలు