ప్రపంచంలోనే అతిపెద్ద కణితి తొలగింపు- బరువు ఎంతంటే?

ఓ పాతికేళ్ల యువకుడి ఛాతి భాగం నుంచి ఏకంగా 13.85కిలోల కణితిని తొలగించారు హరియాణా వైద్యులు. ప్రపంచంలో శస్త్రచికిత్స చేసి తీసిన కణితుల్లో ఇదే అతిపెద్దది కావడం గమనార్హం.

హరియాణాలోని గురుగ్రామ్‌కు చెందిన ఓ ప్రైవేటు ఆసుపత్రిలో పాతికేళ్ల యువకుడి ఛాతీ భాగం నుంచి 13.85 కిలోల కణితిని వైద్యులు తొలగించారు. అందుబాటులోని వైద్య సమాచారం మేరకు.. ప్రపంచంలో శస్త్రచికిత్స ద్వారా తొలగించిన కణితుల్లో ఇదే పెద్దదని ఆ ఆసుపత్రి వైద్యులు ఓ ప్రకటనలో తెలిపారు.