కేరళలో మహిళా స్వయం సహాయక సంఘం, రాష్ట్ర మిషన్ అయిన కుడుంబశ్రీ.. కొత్తగా ఓ మ్యారేజ్ బ్యూరోను ఏర్పాటు చేసింది. కాసరగోడ్ జిల్లాలో ప్రారంభమైన ఈ వివాహ బ్యూరోకు ఇప్పుడు విశేష ఆదరణ లభిస్తోంది.
'కుడుంబశ్రీ' వివాహ వేదిక ప్రారంభమైన స్వల్పకాలంలోనే సుమారు 100 మందికిపైగా తమ పేర్లను నమోదు చేసుకున్నారు. వీరిలో ఎక్కువ మంది పురుషులే కావడం విశేషం. కాసరగోడ్ జిల్లాలోని కన్హంగాడ్, కల్లార్లోని ఈ మ్యారేజ్ బ్యూరో శాఖలను.. అన్నీ తామై కేవలం నలుగురు మహిళలే నిర్వహిస్తుండటం గమనార్హం.
నామమాత్ర ఫీజులతో..
ప్రస్తుతం మార్కెట్లోని ఇతర మ్యారేజ్ బ్యూరోలతో పోల్చితే కుడుంబశ్రీ నామమాత్రపు ధరలతోనే ఈ సేవలందిస్తోంది.
వితంతువులు, ట్రాన్స్జెండర్లకు ప్రత్యేక ప్రాధాన్యం ఇస్తోంది ఈ బ్యూరో. యువతులు ఓసారి తమ పేరును నమోదు చేసుకుంటే.. మూడు నెలలపాటు ఉచిత సేవలందిస్తోంది.
kudumbashreematrimonial.com వెబ్సైట్ ద్వారా మరిన్ని వివరాలు తెలుసుకునేందుకు, పేర్లు నమోదు చేసుకునేందుకు వీలు కల్పించింది కుడుంబశ్రీ వివాహ వేదిక.
ఇదీ చదవండి: రూ.50 కోసం భార్యను కడతేర్చిన భర్త
