బంగాల్లోని పురూలియాలో హృదయవిదారక ఘటన వెలుగు చూసింది. చనిపోయిన కుమారుడి మృతదేహాన్ని ఏడు రోజులుగా ఇంట్లోనే పెట్టుకుని కూర్చుంది అతడి తల్లి. స్థానికుల ద్వారా సమాచారం అందుకున్న పోలీసులు.. మృతదేహాన్ని స్వాధీనం చేసుకున్నారు.
పోలీసుల వివరాల ప్రకారం.. జిల్లాలోని శ్యామ్పురా గ్రామానికి చెందిన సంజయ్దాస్(38).. ఏడురోజుల క్రితం చనిపోయాడు. అయినా ఈ విషయాన్ని ఎవరికీ చెప్పకుండా అతడి తల్లి తుసు దాస్(69).. మృతదేహన్ని ఇంట్లోనే ఉంచుకుంది.
అయితే ఒక్కసారిగా బయటకు దుర్వాసన రావడం వల్ల స్థానికులు.. పోలీసులకు సమాచారం అందించారు. బుధవారం రాత్రి పోలీసులు సంజయ్ దాస్ వెళ్లి చూడగా తలుపులు మూసిఉన్నాయి. వెంటనే తలుపులు పగలుగొట్టి.. పోలీసులు ఇంట్లోకి వెళ్లారు. అపస్మారక స్థితిలో పడి ఉన్న మృతుడి తల్లిని స్థానిక ఆస్పత్రిలో చేర్పించారు. సంజయ్ దాస్ మృతదేహాన్ని శవపరీక్షల నిమిత్తం ప్రభుత్వాస్పత్రికి తరలించారు. అయితే సంజయ్ అతిగా మద్యం తాగేవాడని స్థానికులు తెలిపారు. అయితే అతడి మృతికి గల కారణాలు పోస్టుమార్టం తర్వాతే తెలుస్తాయని పోలీసులు చెప్పారు.
ఇవీ చదవండి: ఆ 67 అశ్లీల వెబ్‌సైట్‌లపై కేంద్రం కొరడా.. వెంటనే బ్లాక్ చేయాలని ఆదేశాలు
