Woman Raped by Tantrik: ఒడిశాలోని బాలాసోర్ జిల్లాలో దారుణ ఘటన జరిగింది. తన రెండున్నర ఏళ్ల కొడుకు ముందే ఓ మహిళను 79 రోజుల పాటు అత్యాచారం చేశాడు ఓ తాంత్రికుడు. శుక్రవారం మహిళను, చిన్నారిని రక్షించిన పోలీసులు.. పరారీలో ఉన్న నిందితుడిని పట్టుకునేందుకు గాలింపు చర్యలను ముమ్మరం చేశారు. "తమ మధ్య ఉన్న గొడవల పరిష్కారానికి అత్తింటివారు తనను బలవంతంగా ఓ తాంత్రికుడి వద్ద ఉంచినట్లు మహిళ తన ఫిర్యాదులో ఆరోపించింది. 2017లో ఆమె వివాహం జరిగింది. అప్పటినుంచి కట్నం కోసం అత్తింటివారి నుంచి మానసిక, శారీరక వేధింపులకు గురైనట్లు మహిళ పేర్కొంది. ఈ క్రమంలోనే కొన్ని నెలల పాటు మహిళను తన వద్ద ఉంచితే ఈ విభేదాలను పరిష్కరిస్తానని తాంత్రికుడు ఆ కుటుంబానికి భరోసా ఇచ్చాడు. ఇందుకు ఆ మహిళ నిరాకరించగా, అత్తింటివారు ఆమెకు మత్తు మందు ఇచ్చి తాంత్రికుడి ఇంటికి తీసుకెళ్లారు. స్పృహలోకి రాగానే తన కొడుకుతో పాటు ఆ మహిళ తాంత్రికుడి గదిలో ఉన్నట్లు గుర్తించింది." అని పోలీసులు తెలిపారు.
కొడుకు ముందే మహిళను 79 రోజుల పాటు తాంత్రికుడు అత్యాచారం చేశాడు. ఆమెకు, చిన్నారికి నిందితుడు ఆహారం అందించేవాడు. ఏప్రిల్ 28న నిందితుడు గదిలోనే మొబైల్ ఫోన్ను వదిలిపెట్టడాన్ని గుర్తించిన మహిళ.. దాని ద్వారా తన బంధువులకు సమాచారాన్ని అందించింది. వారి ఈ విషయాన్ని పోలీసులకు చేరవేశారు. అయితే పోలీసులు వచ్చేసరికే తాంత్రికుడు తప్పించుకున్నాడు. అత్యాచారం సహా ఐపీసీలోని పలు సెక్షన్ల కింద అతడిపై కేసు నమోదైంది. భర్త, అతడి సోదరుడు సహా అత్తింటివారి పేర్లను ఎఫ్ఐఆర్లో చేర్చారు. అయితే ఇప్పటివరకు ఎవరినీ అరెస్టు చేయలేదు.
మృగాడికి జీవితఖైదు: నాలుగేళ్ల క్రితం ఓ మైనర్ను రేప్ చేసి దారుణంగా హత్య చేసిన అసోం వ్యక్తికి రాష్ట్రంలోని స్థానిక కోర్టు జీవిత ఖైదు విధించింది. 2018లో గోల్పారా జిల్లాలో ఓ ఆరేళ్ల చిన్నారిపై ఈ అఘాయిత్యానికి పాల్పడ్డాడు కలు ముండా అనే నిందితుడు. అతడిని పోక్సో చట్టం కింద దోషిగా తేలుస్తూ న్యాయస్థానం శుక్రవారం ఈ మేరకు తీర్పు చెప్పింది.
ఇదీ చూడండి: జననాంగాలను కొరికి వ్యక్తి హత్య.. షాక్లో పోలీసులు!
