అప్పటి వరకు నిద్రపోను: సువేందు

బంగాల్​ అసెంబ్లీ ఎన్నికల్లో భాజపా గెలిచే వరకు నిద్రపోనని ఆ పార్టీ నేత 'సువేందు అధికారి' అన్నారు. ఇటీవలె పార్టీలో చేరిన సువేందు, కొంటాయ్​లో గురువారం నిర్వహించిన సభలో తృణమూల్ కాంగ్రెస్​పై విమర్శల వర్షం కురిపించారు.

బంగాల్ అసెంబ్లీ ఎన్నికల్లో భాజపా విజయం సాధించే వరకు నిద్రపోనని సువేందు అధికారి అన్నారు. కొంటాయ్​లో గురువారం ఏర్పాటు చేసిన సభలో పాల్గొన్న సువేందు తృణమూల్​ కాంగ్రెస్​పై ధ్వజమెత్తారు.

"దిలీప్ ఘోష్, సువేందు చేతులు కలిపారు. ఇక మీరు వెళ్లిపోవాల్సిన సమయం వచ్చింది. కమలం వికసించే వరకు నేను నిద్రపోను. ఇది తుఫాన్​ మాత్రమే. వచ్చే ఏడాది ఎన్నికలు ప్రారంభమయ్యాక సునామీ వస్తుంది. తృణమూల్ కాంగ్రెస్​ను గద్దె దించడానికి ప్రజలు సిద్ధంగా ఉన్నారు."

- సువేందు అధికారి, భాజపా నేత

తృణమూల్ కాంగ్రెస్​కు చెందిన సువేందు ఇటీవలె కేంద్ర హోం మంత్రి అమిత్​ షా సమక్షంలో భాజపాలో చేరారు. సువేందు సహా వివిధ పార్టీలకు చెందిన మరో 10 మంది కాషాయ కండువా కప్పుకున్నారు.

ఇదీ చూడండి : బంగాల్​లో భాజపా కార్యకర్తలపై లాఠీఛార్జ్ ​