త్రివర్ణ పతాకంపై వివాదాస్పద వ్యాఖ్యలు చేసిన జమ్ముకశ్మీర్ మాజీ ముఖ్యమంత్రి మెహబూబా ముఫ్తీ ఎట్టకేలకు వెనక్కితగ్గారు. జమ్ముకశ్మీర్ జెండాతో పాటు జాతీయ పతాకాన్ని ఎగురవేస్తామన్నారు. అయితే జమ్ముకశ్మీర్ రాజ్యాంగం, సార్వభౌమాధికారం, జాతీయ సమగ్రతను ఒకదాని నుంచి మరొకటి విడదీయలేమన్నారు.
"వేలమంది కార్యకర్తలు, ప్రజల ప్రాణాలను పణంగా పెట్టి ఇన్నాళ్లూ జాతీయ జెండాను భూజాన మోసాం. అయితే నిక్కర్లు (ఆర్ఎస్స్ను ఉద్దేశించి) వేసుకునే కొంత మంది నేతలు వారి కార్యాలయాల్లో ఏనాడూ త్రివర్ణ పతాకాన్ని ఎగురవేయలేదు. అలాంటి వాళ్లు జెండా గురించి మాకు పాఠాలు చెబుతున్నారు."
- మెహబూబా ముఫ్తీ, జమ్ముకశ్మీర్ మాజీ సీఎం
దేశంతో జమ్ముకశ్మీర్కు ఉన్న బంధాల్ని ఆర్టికల్ 370 రద్దుతో కేంద్రం తెంచే ప్రయత్నాలు చేసిందని ముఫ్తీ ఆరోపించారు. ముందు తమ జమ్ముకశ్మీర్ జెండాను తమకు తిరిగి ఇవ్వాలని ముఫ్తీ డిమాండ్ చేశారు.
ట్రంప్ గతే...
బిహార్ అసెంబ్లీ ఎగ్జిట్ పోల్స్పై ముఫ్తీ స్పందించారు. అమెరికా అధ్యక్షుడు డొనాల్డ్ ట్రంప్కు పట్టిన గతే భాజపాకు పడుతుందని జోస్యం పలికారు.
"యువకుడు తేజస్వీ యాదవ్కు నా అభినందనలు. కూడు, గూడు, గుడ్డ వంటి సాధారణ అవసరాలను తీర్చేలా ఆయన ఆలోచనా విధానం ఉంది. ఆర్టికల్ 370ని రద్దు చేయాలని ప్రజలు కోరుకోలేదు. ప్రజలు కోరుకునేది సాధారణ అవసరాలు మాత్రమే. ప్రస్తుతం భాజపా సమయం నడుస్తుంది.. భవిష్యత్తులో మా కాలం వస్తుంది. అప్పుడు ట్రంప్కు పట్టిన గతే భాజపాకు పడుతుంది. మాపై అవినీతి ఆరోపణలు చేస్తున్న భాజపా నేతలు ఒకటి గుర్తు పెట్టుకోవాలి. వాళ్లు అవినీతిలో అన్ని రికార్డులు దాటేశారు."
- మెహబూబా ముఫ్తీ, జమ్ముకశ్మీర్ మాజీ సీఎం
- ఇదీ చూడండి: అర్ణబ్ గోస్వామికి హైకోర్టులో చుక్కెదురు
