Precaution dose in India: 15-18ఏళ్ల పిల్లలకు జనవరి 3 నుంచి కొవిడ్ టీకాలు అందించనున్నట్టు ప్రధానమంత్రి నరేంద్ర మోదీ శనివారం వెల్లడించారు. అదే సమయంలో.. టీకా రెండు డోసులు పూర్తి చేసుకున్న ఆరోగ్య కార్యకర్తలు, 60ఏళ్లుపైబడిన వృద్ధులకు.. అదనంగా మరో డోసు ఇవ్వనున్నట్టు ప్రకటించారు మోదీ. సాధారణంగా.. ఈ ప్రక్రియకు ప్రపంచవ్యాప్తంగా 'బూస్టర్ డోసు' అని పేరు ఉంది. అయితే మోదీ మాత్రం అందుకు భిన్నంగా.. 'ప్రికాషన్ డోసు'(ముందుజాగ్రత్త డోసు) అన్న పదాన్ని వినియోగించారు. ఇప్పుడు ఈ ప్రికాషన్ డోసు సర్వత్రా చర్చనీయాంశమైంది.
ఏంటి ఈ ప్రికాషన్ డోసు?
ప్రికాషన్ డోసుకు ప్రస్తుతం సరైన నిర్వచనం లేదు. టీకా రెండు డోసులు తీసుకున్నవారు.. మూడో డోసుగా వేరే రకం వ్యాక్సిన్ను తీసుకోవడాన్ని ప్రికాషన్ డోసు అనొచ్చని కొవిడ్ వ్యాక్సినేషన్ సాంకేతిక బృందం చెబుతోంది. అంటే.. కొవాగ్జిన్ టీకాలు తీసుకున్నవారికి మరో డోసుగా.. ఇతర వ్యాక్సిన్లు ఇవ్వడం అని అర్థం! ఇదే నిజమైతే.. మూడో డోసు తీసుకున్నామంటే.. అది పూర్తిగా కొత్త టీకా అవుతుంది.
రెండో డోసు తీసుకున్న తర్వాత 9 నుంచి 12 నెలలకు ప్రికాషన్ డోసు ఇవ్వనున్నట్లు తెలుస్తోంది. టీకా పంపిణీపై ఏర్పాటైన జాతీయ సాంకేతిక సలహా బృందం ఈ మేరకు కాలవ్యవధిపై సమాలోచనలు చేస్తోంది. శాస్త్రీయ పద్ధతుల్లో అంచనా వేసి దీనిపై తుది నిర్ణయం తీసుకోనున్నారు. త్వరలోనే దీనిపై ప్రకటన వచ్చే అవకాశం ఉంది.
booster dose importance:
అందువల్ల ప్రికాషన్ డోసుకు, బూస్టర్ డోసుకు వేరువేరు అర్థాలు వస్తాయి. బూస్టర్ డోసు అంటే.. అప్పటికే తీసుకున్న రెండు డోసులకు అదనంగా మరో డోసు(అదే రకం వ్యాక్సిన్) తీసుకోవడం. బూస్టర్ డోసుకు తొలుత అమెరికా అనుమతులిచ్చింది. ఆ తర్వాత ప్రపంచవ్యాప్తంగా బూస్టర్ డోసులను వినియోగిస్తున్నారు.
ఇవీ చూడండి:-
