బంగాల్లో మరోసారి భారీ స్థాయిలో బాంబులు బయటపడటం కలకలం రేపింది. ఉత్తర 24 పరగణాల జిల్లాలోని భట్పారా నియోజకవర్గంలోని పలు ప్రాంతాల్లో పోలీసులు శనివారం తనిఖీలు చేపట్టారు. ఈ సోదాల్లో బాంబులు, బాంబు తయారీ పరికరాలు, గన్పౌడర్, బుల్లెట్లను స్వాధీనం చేసుకున్నారు.
ఈ ఘటనపై పేలుడు పదార్థాలు, ఆయుధాల నియంత్రణ చట్టాల కింద కేసు నమోదు చేసుకుని.. దర్యాప్తు చేపట్టినట్టు తెలిపారు.
రాష్ట్రంలో ఓ వైపు అసెంబ్లీ ఎన్నికలు జరుగుతుండగా.. ఎలాంటి అవాంఛనీయ ఘటనలు జరగకుండా ఎన్నికల సంఘం చర్యలు చేపడుతోంది. ఇందుకోసం రాష్ట్ర వ్యాప్తంగా పలు అనుమానిత ప్రాంతాల్లో తనిఖీలు నిర్వహిస్తోంది.
ప్రస్తుతం.. బాంబులు బయటపడిన నియోజకవర్గంలో ఈ నెల 22న పోలింగ్(ఆరో దశ) జరగనుంది.
బంగాల్లో ఎన్నికలు జరుగుతున్న సమయంలో.. గతంలో హింసాత్మక ఘటనలు చోటుచేసుకున్నాయి. దాన్ని దృష్టిలో ఉంచుకుని ఈ ఎన్నికలను పటిష్ఠమైన భద్రత నడుమ ఎనిమిది దశల్లో నిర్వహిస్తోంది ఎన్నికల సంఘం.
ఇదీ చదవండి: 'అడుక్కోవడం నేరమా.. కాదా?'
