బంగాల్లో భాజపా కూటమి 138-148 స్థానాలు గెలుపొందుతుందని రిపబ్లిక్‌ టీవీ-సీఎన్ఎక్స్ ఎగ్జిట్ ఫలితాలను విడుదల చేశాయి. అధికార తృణమూల్‌ కాంగ్రెస్.. 128నుంచి 138స్థానాలు కైవసం చేసుకుంటుందని అంచనా వేశాయి. వామపక్షాలు 11 నుంచి 21 స్థానాలు గెలిచే అవకాశం ఉందని రిపబ్లిక్‌ టీవీ-సీఎన్ఎక్స్ ఎగ్జిట్ ఫలితాలు ప్రకటించాయి..
జన్కీ బాత్..
బంగాల్లో భాజపా కూటమి 165-185 స్థానాలను కైవసం చేసుకుంటుందని జన్కీ బాత్.. ఎగ్జిట్ ఫలితాలను ప్రకటించింది. అధికార తృణమూల్‌ 121 నుంచి 104 సీట్లు గెలుపొందుతుందని పేర్కొంది. వామపక్షాలు 9 నుంచి 3 నియోజకవర్గాల్లో ఆధిక్యం సాధిస్తాయని జనక్‌ బాత్ ఎగ్జిట్ ఫలితాల్లో అంచనా వేసింది.
టైమ్స్ నౌ-సీఓటర్..
తృణమూల్‌ కాంగ్రెస్ 158 స్థానాలు గెలుపొందుతుందని టైమ్స్ నౌ-సీ ఓటర్.. ఎగ్జిట్ ఫలితాలను విడుదల చేసింది. భాజపా 115 స్థానాల్లో విజయం సాధిస్తుందని, కాంగ్రెస్, వామపక్షాలు, ఐఎస్ఎఫ్ కలిసి 76 సీట్లు కైవసం చేసుకుంటాయని అంచనా వేసింది.
ఈటీజీ రీసెర్చ్..
తృణమూల్‌ కాంగ్రెస్ 164 నుంచి 176 నియోజకవర్గాల్లో గెలుపొందుతుందని ఈటీజీ రీసెర్చ్-ఎగ్జిట్ ఫలితాలను విడుదల చేసింది. భాజపా 105 నుంచి 115 స్థానాలను, వామపక్షాలు 10 నుంచి 15 సీట్లను కైవసం చేసుకుంటాయని అంచనా వేసింది..
పీ-మార్క్..
మమతా బెనర్జీ సారథ్యంలోని అధికార తృణమూల్‌ కాంగ్రెస్ 152 నుంచి 172 స్థానాలు గెలుపొందుతుందని పీ-మార్క్ ఎగ్జిట్ ఫలితాలను విడుదల చేసింది. భాజపా 112 నుంచి 132 సీట్లు, లెఫ్ట్‌ పార్టీలు 10 నుంచి 20 నియోజకవర్గాలు కైవసం చేసుకుంటాయని ఫలితాలు ప్రకటించింది.
ఏపీపీ-సీ ఓటర్..
బంగాల్లో అధికార టీఎంసీ 152 నుంచి 164 స్థానాలను కైవసం చేసుకుంటుందని ఏబీపీ-సీ ఓటర్ ఎగ్జిట్ ఫలితాలను విడుదల చేసింది. భాజపా 109 నుంచి 121నియోజకవర్గాల్లో , లెఫ్ట్‌ పార్టీలు 14 నుంచి 25 సెగ్మెంట్లు గెలుపొందుతాయని అంచనా వేసింది.
ఇదీ చూడండి: 'ఈసీ పరిశీలకుల తీరుపై సుప్రీం కోర్టుకు వెళ్తా'ఇదీ చూడండి: 'అధికార మార్పిడి కాదు.. అభివృద్ధే లక్ష్యం'
