Weekly Horoscope: ఈ వారం (జులై 24 - 30) మీ రాశి ఫలాల గురించి డాక్టర్‌ శంకరమంచి రామకృష్ణ శాస్త్రి ఏమన్నారంటే?
ఉద్యోగంలో ఎదురయ్యే అవరోధాలను సమయస్ఫూర్తి, బుద్ధిబలంతో ఎదుర్కోవాలి. సౌమ్యంగా వ్యవహరించాలి. వ్యాపారలాభం విశేషంగా ఉంది. ఆర్థికస్థితి వృద్ధిచెందుతుంది. ముఖ్యకార్యాల్లో తడబాటు పనికిరాదు. ఇంట్లోవారి సూచనలు అవసరం. వృథావ్యయం కూడదు. ఒక ఆపద నుంచి బయటపడతారు. ఇష్టదైవ స్మరణతో మనశ్శాంతి ఉంటుంది.
అద్భుతమైన కాలం. అన్నివిధాలుగా బాగుంటుంది. ఉద్యోగంలో అభివృద్ధీ, స్థిరమైన జీవితం లభిస్తాయి. కోరికలు ఒక్కొక్కటిగా నెరవేరతాయి. ధనయోగం సూచితం. గృహ, వాహన, భూ లాభాలుంటాయి. గౌరవం పెరుగుతుంది. వ్యాపారబలం ఉంది. సంకల్పం నెరవేరుతుంది. కాలాన్ని సద్వినియోగం చేసుకోవాలి. లక్ష్మీధ్యానం శుభప్రదం.
మంచి ఆలోచనాశక్తి ఉంటుంది. ఇప్పుడు తీసుకునే నిర్ణయాలు కలిసివస్తాయి. వ్యాపారవిజయం సంపూర్ణం. ఉద్యోగంలో చిక్కులు తొలగుతాయి. ఒత్తిడి లేకుండా పనిచేయండి. అనుకోని లాభం ఒకటి ఉంది. ధైర్యంగా ముందడుగు వేయండి. కొందరు ఇబ్బంది కలిగించినా కార్యసిద్ధి ఉంటుంది. వివాదాలకు దూరంగా ఉండాలి. దుర్గాదేవిని స్మరించండి, మేలు జరుగుతుంది.
దైవబలం ముందుకు నడిపిస్తోంది. కాస్త శ్రద్ధ పెడితే అద్భుతమైన భవిష్యత్తు మీ సొంతమవుతుంది. ఉద్యోగంలో లక్ష్యాన్ని చేరతారు. ఆత్మవిశ్వాసంతో పరిస్థితులకు తగినట్లుగా నిర్ణయాలు తీసుకోవాలి. తొందరవద్దు. దగ్గరివారి సూచనలు అవసరం. వ్యాపారంలో శ్రమ పెరుగుతుంది. కుటుంబసభ్యులతో విభేదించవద్దు. సమస్యలు తొలగుతాయి. సూర్యస్తుతి ఉత్తమం.
శుభకాలం నడుస్తోంది. అభీష్టసిద్ధి ఉంది. ఉద్యోగ ఫలితం శుభప్రదం. అపోహలు తొలగుతాయి. సకాలంలో పని పూర్తి చేయడం అవసరం. వ్యాపారరీత్యా జాగ్రత్తలు పాటించాలి. ఆస్తులు పెరుగుతాయి. భవిష్యత్‌ ప్రణాళికలకు సరైన సమయం. అధికారలాభం సూచితం. ముఖ్యమైన పని అవుతుంది. ఇష్టదేవతను స్మరిస్తే మంచిది.
ఉద్యోగంలో అభివృద్ధిని సాధిస్తారు. మీ సంస్కారమే మిమ్మల్ని గొప్పవారిని చేస్తుంది. ధనయోగం ఉంది. ధర్మమార్గంలో ముందుకెళ్లండి. ఆత్మవిశ్వాసంతో పనిచేసి ప్రశంసలు అందుకుంటారు. పేరుప్రతిష్ఠలు సంపాదిస్తారు. కలహాలకు అవకాశం ఉంది. అసహనం పనికిరాదు. ఆంజనేయస్వామిని స్మరించండి, శుభం జరుగుతుంది.
స్వయంకృషితో అభివృద్ధిని సాధిస్తారు. ఉద్యోగంలో ప్రశంసలున్నాయి. లక్ష్మీకటాక్షం ఉంది. అవసరాలకు ధనం అందుతుంది. కొన్ని సమస్యలు పరిష్కారమవుతాయి. వ్యాపారంలో శ్రమకి తగ్గ ఫలితం ఉంటుంది. చెడు ఊహించకూడదు. తెలియని వ్యక్తులతో చనువుగా ఉండవద్దు. ఏకాగ్రతతో లక్ష్యాన్ని చేరండి. నవగ్రహశ్లోకాలు చదవండి, ప్రశాంతమైన జీవితం లభిస్తుంది.
అద్భుతమైన శుభకాలం. ఉద్యోగంలో గుర్తింపు లభిస్తుంది. అధికారుల ప్రశంసలు ఉంటాయి. ఎన్నాళ్లుగానో ఎదురుచూస్తున్న ఫలితం ఇప్పుడు కన్పిస్తుంది. ఆర్థికస్థితి బాగుంటుంది. ఆశయం నెరవేరుతుంది. వ్యాపారబలం బాగుంది. పలువిధాలుగా అభివృద్ధిని సాధిస్తారు. నూతన వస్తుప్రాప్తి సూచితం. ఇంట్లో వేడుకలు జరుగుతాయి. లక్ష్మీధ్యానం సకల శుభాలనూ ఇస్తుంది.
మనోబలం అవసరం. ఉద్యోగంలో ఆటంకాలు ఎదురవుతాయి. నిందారోపణలు ఎదుర్కొనాల్సి వస్తుంది. పరిస్థితికి తగినట్లుగా నడుచుకోవాలి. ఆత్మవిశ్వాసం తగ్గకూడదు. నిజాయతీ మిమ్మల్ని కాపాడుతుంది. ధర్మదేవతానుగ్రహంతో విజయం సాధిస్తారు. స్థిరత్వం వస్తుంది. వ్యాపార నష్టం లేకుండా చూసుకోవాలి. ఈశ్వరధ్యానం రక్షిస్తుంది.
వ్యతిరేక కాలం. ఆలోచించి అడుగేయండి. ఉద్యోగంలో శ్రమ పెరుగుతుంది. సర్దుకుపోయే ధోరణి అవసరం. ముఖ్య కార్యాలను వాయిదా వేయగలిగితే మంచిది. వ్యాపారంలో ఇబ్బందులు ఉంటాయి. మంచి చేయబోతే చెడు ఎదురవుతుంది. దగ్గరివారితో విభేదాలు వద్దు. వేంకటేశ్వరస్వామిని దర్శించండి, ప్రశాంతత లభిస్తుంది.
అదృష్టయోగముంది. కాలం సహకరిస్తోంది. ముఖ్యమైన పనుల్లో మంచిఫలితం సాధిస్తారు. ఉద్యోగంలో ప్రతిభతో మెప్పిస్తారు. ఆర్థిక స్థితి బాగుంటుంది. నూతన ప్రయత్నాలు ఫలిస్తాయి. గృహ, భూ లాభం సూచితం. ఇంట్లో శుభకార్యాలు జరుగుతాయి. మంచి వార్త వింటారు. పదిమందికీ ఉపయోగపడే పనులు చేయడం ద్వారా శాంతి లభిస్తుంది. శివస్మరణ మంచిది.
ఉత్సాహంగా పనిచేయండి. ఉద్యోగంలో శ్రమా ఒత్తిడీ ఉంటాయి. తెలియని ఆందోళన ఎదురవుతుంది. మిత్రబలంతో సమస్యని పరిష్కరించండి. నిదానంగా కార్యసిద్ధి లభిస్తుంది. తర్కించేవారున్నారు. వివాదాన్ని పొడిగించకుండా సున్నితంగా సమాధానం ఇవ్వాలి. ఆవేశం పనికిరాదు. శత్రుదోషం తొలగుతుంది. ధర్మం గెలిపిస్తుంది. విష్ణు సహస్రనామం చదివితే మంచిది.
