సరిహద్దులో నిత్య సంఘర్షణ.. భద్రతలో మహిళా జవాన్లు
సైన్యం అంటే సాధారణంగా పురుషులే అధికంగా ఉంటారు. అయితే మారుతోన్న పరిస్థితుల నేపథ్యంలో మహిళలు సైతం పురుషులకు దీటుగా సైన్యంలో చేరేందుకు ఆసక్తి చూపుతున్నారు. రాజస్థాన్లోని సరిహద్దు భద్రతా దళంలో సేవలందిస్తోన్న మహిళా జవాన్లే ఇందుకు నిదర్శనం.
రాజస్థాన్లో భారత్-పాక్ సరిహద్దు శ్రీగంగానగర్ సెక్టార్లో మహిళా జవాన్లే విధులు నిర్వహిస్తున్నారు. 210 కి.మీ పొడవైన ఈ సరిహద్దు ప్రాంతంలో కనీసం 50మంది మహిళా జవాన్లు గస్తీ కాస్తున్నారు. మహిళా అధికారులే పర్యవేక్షణ విధులు నిర్వహించడం విశేషం.
నిత్యం సవాళ్లతో నిండిన సున్నిత ప్రాంతంలో ప్రతి రోజూ విధి నిర్వహణలో పాల్గొంటున్న ఈ మహిళా జవాన్లు సరిహద్దు విధులకు నియామకం అవ్వడంపై సంతోషం వ్యక్తం చేస్తున్నారు.
ఇదీ చదవండి: సవాళ్లను స్వీకరించే మహిళా.. నీకు వందనం
