అమెరికా రక్షణ మంత్రి లాయిడ్ జేమ్స్ ఆస్టిన్.. తన మూడు రోజుల విదేశీ పర్యటనలో భాగంగా శుక్రవారం భారత్కు వచ్చారు. ప్రధాని నరేంద్ర మోదీతో భేటీ అయిన ఆయన.. ఇండో-పసిఫిక్ ప్రాంతంలో భారత్ ఎదుర్కొంటున్న కఠిన సవాళ్లను గురించి చర్చించారు. ఆ ప్రాంతంలో శాంతి, స్థిరత్వం, శ్రేయస్సు కోసం భారత్తో వ్యూహాత్మక భాగస్వామ్యాన్ని మరింత పెంచుకోవాలని యూఎస్ కోరుతోందని ఆస్టిన్ అన్నారు. ఇరుదేశాల పరస్పర సహకారంతో రక్షణ భాగస్వామ్యం మరింత విస్తరిస్తుందని చెప్పారు.
"భారత్లో ఉండటం చాలా ఆనందంగా ఉంది. భారత్-యూఎస్ మధ్య ద్వైపాక్షిక సంబంధాల బలోపేతానికి అమెరికా నిరంతరం కృషి చేస్తుంది. ఇండో-పసిఫిక్ ప్రాంతం ఎదుర్కొంటున్న కఠిన సవాళ్లను పరిష్కరించేందుకు మేము కలిసి పనిచేస్తున్నాం. ఫలితంగా ఇరుదేశాల సహకారంతో రక్షణ భాగస్వామ్యం మరింత విస్తరిస్తుంది."
- లాయిడ్ జేమ్స్ ఆస్టిన్, అమెరికా రక్షణ మంత్రి
రక్షణ మంత్రిగా ఆస్టిన్కు ఇదే తొలి అధికారిక పర్యటన కాగా.. ప్రధాని నరేంద్ర మోదీ ఆయనకు స్వాగతం పలికారు. ఆస్టిన్తో సమావేశం కావడంపై హర్షం వ్యక్తం చేశారు.
"అమెరికా రక్షణ మంత్రితో భేటీ కావడం సంతోషంగా ఉంది. అధ్యక్షుడు జో బైడెన్కు నా తరఫున శుభాకాంక్షలు తెలియజేస్తున్నాను. ప్రపంచ శాంతి కోసం ఇరు దేశాలు వ్యూహాత్మక భాగస్వామ్యానికి కట్టుబడి ఉన్నాయి."
- ప్రధాని నరేంద్ర మోదీ.
జాతీయ భద్రతా సలహాదారు అజిత్ డోభాల్ను కూడా ఆస్టిన్ కలిశారు.
భారత పర్యటనకు ముందు ఆస్టిన్.. జపాన్, దక్షిణ కొరియాలను సందర్శించారు.
ఇదీ చదవండి:బంగాల్ తొలి దశలో 25% అభ్యర్థులపై క్రిమినల్ కేసులు
