కరోనాను ఎదుర్కోవడానికి టీకానే ప్రధాన ఆయుధమని ప్రభుత్వం ఎంతగానో చెబుతోంది. కానీ, ఇప్పటికీ.. కొంతమంది మాత్రం వ్యాక్సిన్పై తమకు ఉన్న అపోహలను వీడటం లేదు. టీకా తీసుకునేందుకు ఇష్టపడని కొంతమంది నదిలో దూకి పరారయ్యారు. ఈ సంఘటన ఉత్తర్ప్రదేశ్ బారాబంకి జిల్లా సిసౌరా గ్రామంలో శనివారం జరిగింది.
'టీకా కాదది.. విషం'
లబ్ధిదారులకు టీకా వేసేందుకు ఆరోగ్య సిబ్బంది.. సిసౌరాకు చేరుకున్నారు. వారిని చూడగానే కొంతమంది.. సమీపంలోని సరయు నదిలోకి దూకి పరారయ్యారని రామ్నగర్ తాలుకా సబ్డివిజనల్ మేజిస్ట్రేట్ రాజీవ్ కుమార్ శుక్లా తెలిపారు. తాము టీకా తీసుకుంటే కలిగే ప్రయోజనాలను, టీకాపై ఉన్న అపోహలను గ్రామస్థులకు వివరించామని చెప్పారు. అనంతరం.. 18 మంది టీకా తీసుకున్నారని వివరించారు. అయితే.. 'అది కరోనా టీకా కాదని విషపూరితమైన ఇంజెక్షన్' అని తమకు కొంతమంది చెప్పగానే.. తాము నదిలోకి దూకామని ఆ గ్రామస్థులు తెలిపారు.
ఇదీ చూడండి: గుర్రానికి అంత్యక్రియలు- వేల మంది హాజరు
ఇదీ చూడండి: వైరల్: మితిమీరిన వేగం- ఎగిరి పడ్డ ట్రక్కు
