పిచాయ్​పై కాశీలో కేసు- కొద్ది రోజుల్లోనే...

ప్రధాని మోదీని అగౌరవ పరిచేలా ఉన్న ఓ వీడియో కేసులో గూగుల్​ సీఈఓపై ఉత్తర్​ ప్రదేశ్​ పోలీసులు ఎఫ్​ఐఆర్​ నమోదు చేసి కొన్ని రోజుల్లోనే తొలగించారు.

ప్రధాని నరేంద్ర మోదీని కించపరిచేలా ఉన్న ఓ వీడియో కేసులో గూగుల్​ సీఈఓ సుందర్​ పిచాయ్​పై ఎఫ్​ఆర్​ నమోదు చేసి, కొన్ని రోజుల్లోనే తొలగించారు ఉత్తర్​ ప్రదేశ్​లోని వారణాసి​ పోలీసులు. సుందర్​ పిచాయ్​తో పాటు ఆ సంస్థకు చెందిన ముగ్గురికి ఈ కేసుతో సంబంధం లేదని ఎఫ్​ఐఆర్​ నుంచి వారి పేర్లను తొలగించినట్లు తెలిపారు.

మోదీ ప్రతిష్ఠను దిగజార్చేలా ఉన్న వీడియోను వారణాసికి చెందిన ఓ వ్యక్తి వాట్సాప్​ గ్రూపుల్లో, యూట్యూబ్​లో చూశాడు. దానిపై అభ్యంతరం వ్యక్తం చేయగా... 8,500 బెదిరింపు కాల్స్​ వచ్చాయంటూ పోలీసులుకు ఫిర్యాదు చేశాడు. దాంతో పిచాయ్​తో పాటు మరో 17 మందిపై ఫిబ్రవరి 6న పోలీసులు ఎఫ్​ఐఆర్​ నమోదు చేశారు.

ఇదీ చూడండి: గూగుల్ సంస్థ​పై అమెరికా న్యాయశాఖ దావా