UP Muzaffarnagar Road Accident : అతి వేగంగా ప్రయాణిస్తున్న కారు.. ముందు వెళ్తున్న ట్రక్కును ఢీకొన్న ఘటనలో ఆరుగురు స్నేహితులు మృతి చెందారు. ఈ ఘటన మంగళవారం తెల్లవారుజామున ఉత్తర్ప్రదేశ్ ముజఫర్‌నగర్‌లోని దిల్లీ-హరిద్వార్ జాతీయ రహదారిపై జరిగింది. సమాచారం అందుకున్న పోలీసులు వెంటనే ఘటనా స్థలికి చేరుకున్నారు. కారులో చిక్కుకున్న ఆరుగురి మృతదేహాలను అతికష్టం మీద బయటకు తీసుకువచ్చారు. పోస్ట్మార్టం నిమిత్తం వాటిని జిల్లా ప్రభుత్వాస్పత్రికి తరలించారు. కాగా, మృతులంతా దిల్లీలోని షాహ్దరాకు చెందిన వారుగా గుర్తించారు పోలీసులు. వీరంతా హరిద్వార్‌కు వెళ్తుండగా ఈ ప్రమాదం జరిగిందని సర్కిల్ ఆఫీసర్ వినయ్ గౌతమ్ చెప్పారు. ప్రమాదంపై కుటుంబ సభ్యులకు సమాచారం ఇచ్చామని ఆయన తెలిపారు.
అగ్నిప్రమాదంలో ముగ్గురు మృతి!
Jharkhand Fire Accident : ఝార్ఖండ్ ధన్బాద్ జిల్లాలోని ఓ మార్కెట్‌లో జరిగిన ఘోర అగ్నిప్రమాదంలో ముగ్గురు ప్రాణాలు కోల్పోయారు. పలువురికి తీవ్ర గాయాలయ్యాయి.
స్థానికుల కథనం ప్రకారం.. ధన్‌బాద్‌లోని కెందువా మార్కెట్‌లో ఉన్న ఓ దుకాణంలో సోమవారం రాత్రి ఉన్నట్టుండి మంటలు చెలరేగాయి. కొద్దిసేపట్లోనే ఈ మంటలు పైఅంతస్తులో ఉన్న దుకాణ యజమాని ఇంటికీ వ్యాపించాయి. దీంతో ఒకే కుటుంబంలోని ముగ్గురు వ్యక్తులు అక్కడికక్కడే మరణించారు. ఆరుగురికిపైగా గాయపడ్డారు. ప్రమాదం జరిగిన వెంటనే స్థానికులు అగ్నిమాపక సిబ్బందికి సమాచారం అందించారు. రెండు అగ్నిమాపక యంత్రాలతో ఘటనాస్థలికి చేరుకున్న ఫైర్ సిబ్బంది మంటలను అదుపులోకి తెచ్చారు. ఈలోపు స్థానికుల సాయంతో క్షతగాత్రులను చికిత్స నిమిత్తం ధన్‌బాద్‌లోని ప్రభుత్వాస్పత్రికి తరలించారు. ఈ ప్రమాదంలో అగ్నిప్రమాదం జరిగిన దుకాణం పక్కన ఉన్న మరో నాలుగు దుకాణాలు కూడా అగ్నికి ఆహుతయ్యాయి.
"ఈ విషాద ఘటనలో దుకాణదారుడు సుభాశ్ గుప్తా సోదరి 23 ఏళ్ల ప్రియాంక గుప్తా, 70 ఏళ్ల తల్లి ఉమా దేవి, 5 ఏళ్ల కుమార్తె మౌలి గుప్తా ప్రాణాలు విడిచారు. సుభాశ్ గుప్తా, అతడి భార్య, రెండేళ్ల కుమారుడు, తండ్రి సహా ఇతర కుటుంబ సభ్యులు గాయపడ్డారు. ఈ ఘటనలో మంటలను ఆర్పేందుకు ప్రయత్నించిన కొందరు స్థానికులు కూడా గాయపడ్డారు."
- పోలీసు అధికారి
రైలు ఇంజిన్కు వేలాడుతూ యువకుడి మృతదేహాం- చాలా దూరం వెళ్లాక!!
ఒంటిపై నూనె పోసిన భార్య- నిప్పంటించిన అత్త! కాలిన గాయాలతో వ్యక్తి మృతి
