మహంత్ నరేంద్ర గిరి (Narendra Giri) ఆత్మహత్యకు సంబంధించి అనుమానాలు వ్యక్తం అవుతున్న నేపథ్యంలో ఈ కేసు దర్యాప్తును సీబీఐకి సిఫార్సు చేసింది యూపీ ప్రభుత్వం. ఈ మేరకు సీఎం యోగి ఆదిత్యనాథ్ బుధవారం ఆదేశాలు జారీ చేశారు. పోస్ట్మార్టం (mahant death) ఫలితాలు ఇంకా వెల్లడి కావాల్సి ఉంది.
ఆనంద్ గిరిపై చర్యలు..
నరేంద్ర గిరి అనుమానాస్పద మృతి కేసులో ప్రధాన నిందితుడిగా ఉన్న ఆయన శిష్యుడు ఆనంద్ గిరిపై (anand giri) భారత్ సంధు సమాజ్ చర్యలు చేపట్టింది. యువ భారత్ సంధు సమాజ్ అధ్యక్ష పదవి నుంచి ఆనంద్ గిరిని తొలగించింది. ఈ విషయాన్ని భారత్ సంధు సమాజ్ స్పష్టం చేసింది. ప్రస్తుత పరిస్థితుల్లో ఆనంద్ గిరి తొలగింపుపై తాము తీసుకున్న నిర్ణయానికి కట్టుబడి ఉన్నామని యువ భారత్ సంధు సమాజ్ సభ్యులు పేర్కొన్నారు. నరేంద్ర గిరి రాసిన లేఖలో ఆనంద్ గిరి ప్రస్తావన రావడంపై త్వరలోనే స్పష్టత వస్తుందని తెలిపారు.
అఖిల భారతీయ అఖాడా పరిషద్ అధ్యక్షుడైన మహంత్ నరేంద్ర గిరి సోమవారం అనుమానాస్పద రీతిలో మృతి చెందారు. ఆయన మరణం ఆత్మహత్యగా భావిస్తున్న పోలీసులు.. ఘటనాస్థలం నుంచి సూసైడ్ నోట్ను స్వాధీనం చేసుకున్నారు. ఆనంద్ గిరి తనను మానసికంగా వేధించాడని నరేంద్ర గిరిలో లేఖలో పేర్కొన్నారు. ఈ నేపథ్యంలో ఆనంద్ గిరి సహా మరో ఇద్దరిని పోలీసులు అరెస్ట్ చేశారు. అయితే.. ఈ ఆత్మహత్య లేఖ నరేంద్ర గిరి రాసింది కాదంటూ పలువురు ఆరోపిస్తున్నారు. మహంత్ నిర్ణయాలను వ్యతికేరించే వాళ్లే హత్యకు పాల్పడి ఉంటారని పేర్కొన్నారు.
ఇదీ చూడండి : నరేంద్ర గిరి మరణానికి ఆ ఫొటోనే కారణమా?
