UP Election 2022: మెయిన్పురిలోని కర్హాల్ స్థానం నుంచి అఖిలేశ్ యాదవ్పై కేంద్ర న్యాయ సహాయ మంత్రి ఎస్పీ సింగ్ బఘేల్ పోటీ చేస్తున్నారు. ఈ రోజు మెయిన్పురి కలెక్టరేట్కు చేరుకున్న ఆయన తన నామినేషన్ దాఖలు చేశారు.
కేంద్ర న్యాయ సహాయ మంత్రి ఎస్పీ సింగ్ ఆగ్రా నుంచి ఎంపీగా గెలుపొందారు. మొదట్లో సమాజ్వాదీ పార్టీ నుంచే రాజకీయ ప్రస్థానం మొదలుపెట్టారు. 2009లో బీఎస్పీలో చేరారు. 2014లో భాజపాలో చేరారు.
అఖిలేష్ నామినేషన్..
అఖిలేష్ యాదవ్ కూడా కర్హాల్ స్థానం నుంచి నామినేషన్ దాఖలు చేశారు. ఈసారి యూపీ ఎన్నికలు మరో శతాబ్దపు దేశ చరిత్రను తిరగరాస్తాయని ఈ సందర్భంగా అన్నారు. దుష్ట రాజకీయాన్ని ఓడించాలని ప్రజలను కోరారు.
'ప్రగతిశీల ఆలోచనలతో కూడిన సానుకూల రాజకీయాలకు నాంది పలకాలి. దుష్ట రాజకీయాన్ని ఓడించాలి. అందుకు నా నామినేషన్ ఓ 'మిషన్'. జై హింద్'
- అఖిలేశ్ యాదవ్, సమాజ్వాదీ పార్టీ అధ్యక్షుడు
కర్హాల్లో ఫిబ్రవరి 20న పోలింగ్ జరగనుంది. మెయిన్పురి పార్లమెంట్ నియోజకవర్గానికి సమాజ్వాదీ పార్టీ వ్యవస్థాపకుడు ములాయం సింగ్ యాదవ్ ప్రాతినిధ్యం వహిస్తున్నారు.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చదవండి: 'ఐదేళ్ల క్రితం యూపీలో గూండాల రాజ్యం.. ఇప్పుడు మాత్రం...'
