UP Election 2022: ఉత్తర్ప్రదేశ్ ఎన్నికల విధుల్లో ఉన్న మహారాష్ట్ర పోలీసులపై రాళ్ల దాడి చేశారు దుండగులు. లాఠీలతోనూ వారిపై విరుచుకుపడ్డారు. దీంతో పలువురు పోలీసులు తీవ్రంగా గాయపడ్డారు. ఈ ఘటనలో వారు ప్రయాణిస్తున్న బస్సు కూడా ధ్వంసమైంది
ఇదీ జరిగింది..
ఈ ఘటన తాడ్వాయి పోలీసు స్టేషన్ పరిధిలో జరిగింది. ప్రయాగ్రాజ్లోని బలరామ్పుర్ నుంచి బస్సు థాన్పుర్ గ్రామానికి చేరుకునేటప్పటికే.. నడిరోడ్డుపై గూండాలు బైఠాయించారు. డ్రైవర్ హారన్ కొట్టినప్పటికీ పక్కకు తప్పుకోలేదు. దీంతో కొందరు పోలీసులు కిందకు దిగి వారిని తప్పించే ప్రయత్నం చేశారు. ఈ క్రమంలోనే వాగ్వాదం చోటుచేసుకుంది.
అంతలోనే పరిస్థితి తీవ్రమై.. వాహనంపై రాళ్లు రువ్వారు దుండగులు. మహారాష్ట్ర పోలీసులపై లాఠీలు ఝళిపించారు. ఈ ఘటనలో ఇద్దరిని అదుపులోకి తీసుకున్న పోలీసులు.. వారిని ప్రశ్నిస్తున్నారు. మిగిలినవారి కోసం గాలింపు చర్యలను ముమ్మరం చేశారు.
ఇదీ చూడండి: 'కొందరు నా చావు కోరుతున్నారు.. అది సంతోషమే'
