36 అంగుళాల వరుడు.. 34 అంగుళాల వధువు.. ఘనంగా పెళ్లి

Unique Marriage In Bhagalpur: పెళ్లిళ్లు స్వర్గంలో నిశ్చయమవుతాయంటారు పెద్దలు. ఈ జంటను చూస్తే అది నిజమే అనిపిస్తుంది. ఎందుకుంటే వారిద్దరు మరుగుజ్జులు. ఒకరి ఎత్తు 36 అంగుళాలు కాగా మరొకరి ఎత్తు 34 అంగుళాలు. వీరిద్దరి వివాహం చూసి ఫొటోలు దిగేందుకు స్థానికులు పెద్ద ఎత్తున వచ్చారు.

Unique Marriage In Bhagalpur: బిహార్​ భగల్​పుర్​లో అరుదైన వివాహం జరిగింది. నవ్​గాచియాలోని గోపాల్​పుర్​ బ్లాక్​లో ఇద్దరు మరుగుజ్జు వధూవరులు పెళ్లి చేసుకున్నారు. వరుడి ఎత్తు 36 అంగుళాలు కాగా.. వధువు ఎత్తు 34 అంగుళాలు. వీరిద్దరు వివాహ బంధంతో ఒక్కటయ్యారు. ఈ అరుదైన వివాహాన్ని చూడటానికి ప్రజలు పెద్ద ఎత్తున హాజరయ్యారు. ఈ జంటతో సెల్ఫీలు దిగడానికి పోటీపడ్డారు.

వివాహం అనంతరం వధువు, వరుడు

దండలు మార్చుకుంటున్న వధూవరులు

"నేను డ్యాన్స్​ పార్టీలో ఆర్టిస్ట్​గా పనిచేస్తాను. ఈ వివాహం జరగడం చాలా సంతోషంగా ఉంది. నా భార్యను సంతోషంగా చూసుకుంటా. మా ఇద్దరి మధ్య ఎటువంటి సమస్యలు రానివ్వం."

-మున్నా భారతి, వరుడు

"నేను సర్కస్‌లో పనిచేస్తాను. మున్నాను చూడగానే నా చెల్లెలికి అతడే కరెక్ట్ అని అనుకున్నాను. అతడి కుటుంబ సభ్యులతో మాట్లాడి వారిద్దరికి వివాహం నిశ్చయించాను"

- ఛోటూ ఛలియా, వధువు సోదరుడు

అభియా బజార్​లో నివసించే కిషోరి మండల్​కు మమతా(24) అనే కుమార్తె ఉంది. ఆమె ఎత్తు 34 అంగుళాలు. బిందేశ్వరి మండల్​ కుమారుడు మున్నా భారతి(26) ఎత్తు 36 అంగుళాలు. మున్నాను చూసిన మమతా సోదరుడు తన చెల్లిలికి సరిపోతాడనుకుని వారి కుటుంబంతో మాట్లాడాడు. మున్నా కుటుంబం సైతం ఒప్పుకోవడం వల్ల ఇద్దరు సంప్రదాయబద్దంగా పెళ్లి చేసుకున్నారు.

ఇదీ చదవండి: పెళ్లి వేడుకలో ఎమ్మెల్యే అదిరే స్టెప్పులు.. వీడియో వైరల్​!