Hair Stylist Using 28 Scissors: హెయిర్స్టైల్స్కు యువతలో ఉండే క్రేజే వేరు. ట్రెండ్కు తగ్గట్టుగా కొత్త కొత్త స్టైల్స్ ఫాలో అవుతుంటారు. చాలా మంది సినిమా హీరోల హెయిర్ స్టైల్స్ను అనుసరిస్తున్నారు. మరోవైపు హెయిర్ స్టైలిస్టులు కూడా తమదైన శైలిలో రకరకాల హెయిర్స్టైల్స్ చేసి ఆకట్టుకుంటారు. మధ్యప్రదేశ్కు చెందిన ఆదిత్య అనే హెయిర్ స్టైలిస్ట్ కూడా ఈ కోవకు చెందిన వాడే. తన ప్రత్యేకమైన కటింగ్ స్టైల్తో అబ్బురపరిచే ఈ యువకుడు.. ఒకటి రెండు కాదు ఏకంగా 28 కత్తెర్లతో హెయిర్ స్టైలింగ్ చేస్తూ రికార్డులు సృష్టిస్తున్నాడు.
నాలుగేళ్ల పాటు ప్రాక్టీస్.. ఉజ్జయిని నగరంలోని ఫ్రీగంజ్ ప్రాంతంలో తన తండ్రి, సోదరుడితో కలిసి 'క్రియేషన్ వరల్డ్ - ది యునిసెక్స్ సెలూన్' పేరిట హెయిర్ సెలూన్‌ను నడుపుతున్నాడు 26 ఏళ్ల ఆదిత్య దేవర. సెలూన్కు వచ్చే యువకులకు తనదైన శైలిలో అద్భుతంగా హెయిర్ స్టైల్స్ చేస్తుంటాడు. ఇప్పుడు.. ఒకేసారి 28 కత్తెర్లతో జుట్టును కత్తిరించి 'ఇండియా బుక్ ఆఫ్ రికార్డ్స్'లో స్థానం సంపాదించాడు. ఇంతకుముందు ఈ రికార్డు 22 కత్తెర్లతో జుట్టు కత్తిరించిన ఇరాన్ యువకుడి పేరిట ఉంది. ఆదిత్య సోషల్ మీడియాలో ఇరాన్ హెయిర్స్టైలిస్ట్ 22 కత్తెర్లతో జుట్టును కత్తిరించిన వీడియోను చూసి ప్రాక్టీస్ మొదలుపెట్టాడు.నాలుగేళ్ల పాటు ప్రాక్టీస్ చేసిన ఆదిత్య 28 కత్తెర్లతో జట్టును కత్తిరించి.. ఆ వీడియోను ఇండియా బుక్ ఆఫ్ రికార్డ్స్ నామినేషన్ కోసం పంపించాడు. ఆదిత్య కృషిని గుర్తించిన నిర్వాహకులు ఈ ఘనతను రికార్డుల్లో నమోదు చేశారు.
ఇదీ చదవండి: 600 ఏళ్ల నాటి దేవతల విగ్రహాలు స్వాధీనం.. విలువ ఎంతంటే?
