డిగ్రీ అర్హతతో UIICలో 300 అసిస్టెంట్ ఉద్యోగాలు - అప్లై చేసుకోండిలా!

UIIC Assistant Jobs 2023 In Telugu : డిగ్రీలు చేసి ప్రభుత్వ రంగ ఉద్యోగాల కోసం ప్రిపేర్ అవుతున్న అభ్యర్థులకు గుడ్ న్యూస్​. చెన్నైలోని యునైటెడ్​ ఇండియా ఇన్సూరెన్స్​ కంపెనీ 300 అసిస్టెంట్ పోస్టుల భర్తీ కోసం నోటిఫికేషన్ విడుదల చేసింది. వయోపరిమితి, ఫీజు, దరఖాస్తు విధానం తదితర పూర్తి వివరాలు మీ కోసం.

UIIC Assistant Jobs 2023 : చెన్నైలోని ప్రభుత్వ రంగ బీమా సంస్థ 'యునైటెడ్​ ఇండియా ఇన్సూరెన్స్ కంపెనీ'.. శాశ్వత ప్రాతిపదికన 300 అసిస్టెంట్​ పోస్టుల భర్తీ కోసం నోటిఫికేషన్ విడుదల చేసింది. ఎంపికైన అభ్యర్థులు దేశవ్యాప్తంగా ఉన్న యూఐఐసీ కార్యాలయాల్లో పని చేయాల్సి ఉంటుంది.

ఉద్యోగాల వివరాలు

• యూఆర్​ - 159 పోస్టులు
• ఓబీసీ - 55 పోస్టులు
• ఈడబ్ల్యూఎస్ - 30 పోస్టులు
• ఎస్సీ - 30 పోస్టులు
• ఎస్టీ - 26 పోస్టులు
• మొత్తం పోస్టులు - 300

నోట్​ : తెలుగు రాష్ట్రాల విషయానికి వస్తే, ఆంధ్రప్రదేశ్​లో 8, తెలంగాణలో 3 అసిస్టెంట్​ పోస్టులు ఉన్నాయి.

విద్యార్హతలు
UIIC Assistant Eligibility : అభ్యర్థులు ప్రభుత్వ గుర్తింపు పొందిన విశ్వవిద్యాలయం లేదా విద్యా సంస్థ నుంచి డిగ్రీ ఉత్తీర్ణత సాధించి ఉండాలి.

వయోపరిమితి
UIIC Assistant Age Limit :

• అభ్యర్థుల వయస్సు 2023 సెప్టెంబర్​ 30 నాటికి 21 ఏళ్లు నుంచి 30 ఏళ్ల మధ్యలో ఉండాలి.
• ప్రభుత్వ నిబంధనల ప్రకారం.. ఎస్సీ, ఎస్టీలకు 5 ఏళ్లు, ఓబీసీలకు 3 ఏళ్లు, దివ్యాంగులకు 10 ఏళ్లులు వయోపరిమితి సడలింపులు వర్తిస్తాయి. పూర్తి వివరాల కోసం అధికారిక నోటిఫికేషన్ చూడండి.

దరఖాస్తు రుసుము
UIIC Assistant Application Fee :

• జనరల్, ఓబీసీ అభ్యర్థులు అప్లికేషన్ ఫీజుగా రూ.1000 చెల్లించాల్సి ఉంటుంది. అదనంగా జీఎస్టీ కూడా కట్టాల్సి ఉంటుంది.
• ఎస్సీ, ఎస్టీ, దివ్యాంగులు, కంపెనీ ఉద్యోగులు అప్లికేషన్​ ఫీజుగా రూ.250 + జీఎస్టీ చెల్లించాల్సి ఉంటుంది.

ఎంపిక విధానం
UIIC Assistant Selection Process : అభ్యర్థులకు ముందుగా ఆన్​లైన్ పరీక్ష నిర్వహిస్తారు. ఇందులో ఉత్తీర్ణులైన వారికి రీజినల్ లాంగ్వేజ్ టెస్ట్​ చేస్తారు. ఇందులోనూ క్వాలిఫై అయిన అభ్యర్థులను.. డాక్యుమెంట్ వెరిఫికేషన్​, మెడికల్ ఎగ్జామినేషన్ చేసి అసిస్టెంట్​ పోస్టులకు ఎంపిక చేస్తారు.

జీతభత్యాలు
UIIC Assistant Salary : ఎంపికైన అభ్యర్థులకు నెలకు రూ.22,405 నుంచి రూ.62,265 వరకు జీతభత్యాలు ఉంటాయి.

దరఖాస్తు విధానం
UIIC Assistant Application Process :

• అభ్యర్థులు ముందుగా యునైటెడ్​ ఇండియా ఇన్సూరెన్స్ కంపెనీ అధికారిక వెబ్​సైట్​ https://uiic.co.in/ ఓపెన్ చేయాలి.
• UIIC Assistant Apply Online Linkపై క్లిక్ చేయాలి.
• దరఖాస్తు ఫారమ్​లో మీ వ్యక్తిగత, విద్యార్హత వివరాలు నమోదు చేయాలి.
• అవసరమైన పత్రాలు అన్నింటినీ అప్లోడ్ చేయాలి.
• ఆన్​లైన్​లోనే దరఖాస్తు రుసుము కూడా చెల్లించాలి.
• అన్ని వివరాలు మరోసారి చెక్​ చేసుకొని, అప్లికేషన్ సబ్మిట్ చేయాలి.
• భవిష్యత్ రిఫరెన్స్ కోసం అప్లికేషన్ ప్రింట్​అవుట్​ భద్రపరుచుకోవాలి.

ముఖ్యమైన తేదీలు
UIIC Assistant Job Apply Last Date :

• ఆన్​లైన్ రిజిస్ట్రేషన్ ప్రారంభం : 2023 డిసెంబర్ 16
• ఆన్​లైన్ రిజిస్ట్రేషన్​కు ఆఖరు తేదీ : 2024 జనవరి 6