కరోనా వ్యాప్తి దృష్ట్యా మే 2 నుంచి జరగాల్సిన యూజీసీ నెట్ పరీక్షను వాయిదా వేస్తున్నట్లు విద్యాశాఖ మంత్రి రమేశ్ పోఖ్రియాల్ వెల్లడించారు. కొత్త తేదీని పరీక్షకు 15 రోజుల ముందు ప్రకటిస్తామని ట్విట్టర్ ద్వారా తెలిపారు. షెడ్యూల్ ప్రకారం మే 2న ప్రారంభమై మే 17 వరకూ పరీక్షను నిర్వహించాల్సి ఉండగా దేశవ్యాప్తంగా కరోనా కేసులు పెరుగుతున్న నేపథ్యంలో వాయిదా వేశారు.
యూనివర్సిటీ గ్రాంట్స్ కమిషన్ తరఫున నేషనల్ టెస్టింగ్ ఏజెన్సీ- ఎన్టీఏ యూజీసీ నెట్ పరీక్షను నిర్వహిస్తుంది. విశ్వవిద్యాలయాల్లో అసిస్టెంట్ ప్రొఫెసర్ల పోస్టులు, జూనియర్ రీసెర్చ్ ఫెలోషిప్‌ అర్హత కోసం ఈ పరీక్షను నిర్వహిస్తారు.
ఇదీ చదవండి : ముంబయిలో 2,200 రెమ్డెసివిర్ వయల్స్ సీజ్
