స్వీట్లు, కానుకలతో పీఓకే బాలికల అప్పగింత

ఆదివారం తెల్లవారుజామున భారత సరిహద్దులోకి ప్రవేశించిన పాకిస్థాన్ ఆక్రమిక కశ్మీర్ బాలికలను పొరుగు దేశ అధికారులకు అప్పగించారు భారత అధికారులు. బాలికలకు స్వీట్లతో పాటు పలు కానుకలు ఇచ్చారు.

పొరపాటున భారత సరిహద్దులోకి ప్రవేశించిన పాకిస్థాన్​ ఆక్రమిత కశ్మీర్ బాలికలను తిరిగి తమ స్వస్థలాలకు పంపించారు అధికారులు. పాక్ ఆక్రమిత కశ్మీర్​కు చెందిన అధికారులకు చకన్ దా బాగ్​ క్రాసింగ్ పాయింట్ వద్ద ఇద్దరు బాలికలను అప్పగించారు. వారికి మిఠాయిలు, పలు కానుకలు ఇచ్చారు భారత అధికారులు.

బాలికలను అప్పగిస్తున్న భారత అధికారులు

భారత అధికారులు తమను బాగా చూసుకున్నారని బాలికలు తెలిపారు. ఇక్కడి ప్రజలు చాలా మంచివారని చెప్పుకొచ్చారు.

• #WATCH | We lost our way & entered Indian territory. We feared that Army personnel will beat us up but they treated us in a very good manner. We had thought that they would not allow us to go back but today we are being sent home. People are very good here: Laiba Zabair https://t.co/u6DXgPEf7C pic.twitter.com/2rkf8hOdxk

  — ANI (@ANI) December 7, 2020 " class="align-text-top noRightClick twitterSection" data="

  #WATCH | We lost our way & entered Indian territory. We feared that Army personnel will beat us up but they treated us in a very good manner. We had thought that they would not allow us to go back but today we are being sent home. People are very good here: Laiba Zabair https://t.co/u6DXgPEf7C pic.twitter.com/2rkf8hOdxk

  — ANI (@ANI) December 7, 2020

  ">

  #WATCH | We lost our way & entered Indian territory. We feared that Army personnel will beat us up but they treated us in a very good manner. We had thought that they would not allow us to go back but today we are being sent home. People are very good here: Laiba Zabair https://t.co/u6DXgPEf7C pic.twitter.com/2rkf8hOdxk

  — ANI (@ANI) December 7, 2020

"మేం దారి తప్పిపోయి భారత భూభాగంలోకి వచ్చేశాం. ఆర్మీ సిబ్బంది మమ్మల్ని కొడతారని భయపడ్డాం. కానీ వారు బాగా చూసుకున్నారు. మమ్మల్ని ఇంటికి పంపించరేమోనని అనుకున్నాం.. కానీ ఇవాళే పంపించేశారు. ఇక్కడి ప్రజలు చాలా మంచివారు."

-లైబా జబైర్, పీఓకే బాలిక

ఆదివారం తెల్లవారుజామున జమ్ముకశ్మీర్​ పూంచ్​ సెక్టార్​లోని నియంత్రణ రేఖ వెంబడి మోహరించిన భారత భద్రతా దళాలు.. బాలికలను గుర్తించి అడ్డుకున్నాయి. వీరిని స్థానిక పోలీసులకు అప్పగించాయి. ఆ బాలికలను పీఓకే ఫార్వర్డ్​ కహుటా తహసీల్​లోని​ అబ్బాస్​పుర్​కు చెందిన లైబా జబైర్​(17), సనా జబైర్​ (13)గా గుర్తించారు.

ఇలాంటి ఘటనలు నియంత్రణ రేఖ వెంబడి తరచుగా జరుగుతుంటాయి. సరిహద్దులో కాల్పుల వల్ల భయపడి స్థానిక ప్రజలు ఒక్కోసారి నియంత్రణ రేఖ దాటుతుంటారు. సంబంధిత అధికారులు దర్యాప్తు చేపట్టిన తర్వాత దేశంలోకి ప్రవేశించినవారిని తిరిగి అప్పగించేస్తుంటారు.