మైక్రోబ్లాగింగ్ ప్లాట్ఫార్మ్ ట్విట్టర్.. కేంద్ర ఐటీ శాఖ మంత్రి రవిశంకర్ ప్రసాద్కు ఝలక్ ఇచ్చింది. గంట సమయం పాటు మంత్రి అకౌంట్ను బ్లాక్ చేసింది. అమెరికా డిజిటల్ మిలీనియమ్ కాపీరైట్ యాక్ట్ ఉల్లంఘించారన్న కారణంతో ఖాతాను నిలిపివేసినట్లు పేర్కొంది.
'కూ' వేదికగా..
ట్విట్టర్ చర్యపై ఆగ్రహం వ్యక్తం చేశారు మంత్రి రవిశంకర్ ప్రసాద్. భారత్లో కొత్తగా అమల్లోకి వచ్చిన ఐటీ చట్టం ప్రకారం ముందుగా నోటిసులివ్వకుండా అకౌంట్ను ఎలా నిలిపివేశారని మండిపడ్డారు. సామాజిక మధ్యమం 'కూ' వేదికగా పలు పోస్ట్లు చేశారు. ట్విట్టర్.. భారత ఐటీ నిబంధనను ఉల్లఘించిందని పేర్కొన్నారు.
గంట తర్వాత తిరిగి తన ఖాతాను ట్విట్టర్ పునరుద్ధరించిందని మంత్రి తెలిపారు. ఇటీవల ట్విట్టర్ వివాదంపై టీవీ ఛానళ్లకు ఇచ్చిన ముఖాముఖి వీడియో క్లిప్లు షేర్ చేయడం వల్ల ఆ సంస్థ ఉక్కిరిబిక్కిరి అయిందని అన్నారు. నూతన ఐటీ చట్టాల విషయంలో న్యాయమపరమైన చర్యలపై తాను చేసిన వ్యాఖ్యలకు మైక్రోబ్లాగింగ్ సంస్థ ఈ విధంగా చేసినట్లు ఆరోపించారు.
'వివరణ ఇవ్వాల్సిందే...'
రవి శంకర్ ప్రసాద్ ట్విట్టర్ ఖాతాను నిలిపివేసిన నేపథ్యంలో.. ఇన్ఫార్మేషన్ టెక్నాలజీకి చెందిన పార్లమెంటరీ స్టాండింగ్ కమిటీ ఛైర్మన్ శశి థరూర్ స్పందించారు. తనకు కూడా అలాగే జరిగిందని తెలిపారు. తమ ఖాతాలను తాత్కాలికంగా నిలిపివేయటం సహా భారత్లో పని చేసేటప్పుడు అనుసరించాల్సిన నియమాలపై ట్విట్టర్ తరఫు నుంచి స్టాండింగ్ కమిటీ వివరణ తీసుకుంటుందని చెప్పారు.
ఇదీ చదవండి:
