TREKKER RESCUED: ట్రెక్కింగ్కు వెళ్లి కొండపైన పెద్ద లోయలో చిక్కుకున్న యువకుడిని వైమానిక దళం హెలికాప్టర్ సాయంతో కాపాడింది. ఈ సంఘటన కర్ణాటక, చిక్కబల్లాపూర్ జిల్లాలోని నందగిరిధామ్ సమీప బ్రహ్మగిరి హిల్స్పై జరిగింది.
నందగిరిధామ్లో వారాంతపు పర్యటనలను నిషేధించారు అధికారులు. ఈ క్రమంలోనే దిల్లీకి చెందిన నిశాంత్ గుల్లా(19) అనే యువకుడు ఒంటరిగా బ్రహ్మగిరి హిల్స్పైకి ట్రెక్కింగ్కు వెళ్లాడు. కొండపైభాగంలోకి చేరుకోగానే జారిపడిపోయాడు. సుమారు 250 అడుగుల మేర కింద ఉన్న ఓ లోయలో పడిపోయాడు. భూమిపై నుంచి అది 350 అడుగుల ఎత్తు ఉంటుంది.
సమాచారం అందుకున్న పోలీసులు, అగ్నిమాపక సిబ్బంది, ఎస్డీఆర్ఎఫ్, ఎన్డీఆర్ఎఫ్, స్థానిక అధికారులు సహాయక చర్యలు చేపట్టారు. అయితే, వారి చర్యలు ఫలించలేదు. దీంతో భారత వైమానిక దళం రంగంలోకి దిగి.. హెలికాప్టర్ సాయంతో రక్షించింది. నిశాంత్ బెంగళూరులోని పీఈఎస్ యూనివర్సిటీ విద్యార్థిగా గుర్తించారు.
ఇదీ చూడండి: కొండ చీలికలో చిక్కిన యువకుడు.. రెండు రోజులుగా అన్నపానీయాలు లేక..
