భాజపా, కాంగ్రెస్ 'టూల్కిట్ వివాదం'లో భాగంగా.. దేశ రాజధానిలోని ట్విట్టర్ కార్యాలయాల్లో పోలీసులు సోదాలు జరిపిన క్రమంలో కాంగ్రెస్ నేత రాహుల్ గాంధీ కీలక వ్యాఖ్యలు చేశారు. 'నిజం దేనికీ భయపడదు' అన్నారు. ట్విట్టర్ కార్యాలయాల్లో దిల్లీ పోలీసులు సోమవారం సోదాలు జరపటాన్ని పిరికిపంద చర్యగా అభివర్ణించింది కాంగ్రెస్.
'కొవిడ్-19 టూల్కిట్'పై వచ్చిన ఫిర్యాదుపై దర్యాప్తులో భాగంగా ట్విట్టర్ ఇండియా ఆఫీస్లకు సోమవారం నోటీసులు పంపించారు దిల్లీ పోలీసులు. మహమ్మారి సమయంలో టూల్కిట్ను రూపొందించి.. ప్రధాని నరేంద్ర మోదీ ప్రతిష్ఠకు భంగం కలిగించేందుకు కాంగ్రెస్ కుట్రపన్నుతోందని భాజపా ఆరోపించింది.
అయితే ఈ వ్యాఖ్యలను కాంగ్రెస్ ఖండించింది. భాజపా నకిలీ టూల్కిట్ను రూపొందించి తమ ప్రతిష్ఠను దెబ్బతీయాలని చూస్తోందని పేర్కొంది.
ఇదీ చదవండి : ట్విట్టర్ కార్యాలయాల్లో దిల్లీ పోలీసుల సోదాలు
