ఉత్తర్ప్రదేశ్ ఉన్నావ్లో కలకలం రేపిన ఇద్దరు బాలికల మృతదేహాలకు శుక్రవారం దహన సంస్కారాలు నిర్వహించారు. పోస్టుమార్టం చేసిన అనంతరం ఆ బాలికల మృతదేహాలను కుటుంబసభ్యులకు అప్పగించినట్టు స్థానిక ఎస్పీ ఆనంద్ కులకర్ణి తెలిపారు.
"కుటుంబ సభ్యుల ఆచారం ప్రకారం.. ఆ ఇద్దరు బాలికల అంత్యక్రియలు నేడు జరిగాయి. ఇందుకోసం గురువారమే వారికి మృతదేహాలను అప్పగించాం. అయితే.. వారి బంధుమిత్రులు వస్తారని వారు శుక్రవారం వరకు ఆపారు. ఇది పూర్తిగా వారి నిర్ణయమే. ఇందులో ఎవరి ఒత్తిడీ లేదు. మా వృత్తి మేం చేస్తున్నాం."
- ఆనంద్ కులకర్ణి, ఉన్నావ్ జిల్లా ఎస్పీ
అంత్యక్రియల సమయంలో.. ఎలాంటి అవాంఛనీయ ఘటనలు జరగకుండా బాబురాహా గ్రామంలో భారీ బలగాలను మోహరించారు అధికారులు.
అనమానాస్పద రీతిలో బాలికలు మృతిచెందడంపై కేసు నమోదు చేసుకున్నారు పోలీసులు. సెక్షన్-201 కింద కేసు ఎఫ్ఐఆర్ నమోదు చేసుకుని దర్యాప్తు చేపట్టారు. ఈ ఘటనలో అపస్మారక స్థితిలో ఉన్న మూడవ బాలికకు కాన్పుర్ ఆసుపత్రిలో వెంటిలేటర్పై చికిత్స అందిస్తున్నారు. ప్రస్తుతం ఆమె పరిస్థితి విషమంగా ఉన్నట్టు సమాచారం.
ఇదీ చదవండి: జల విలయం- 62కు చేరిన మృతులు
