ఓ టిప్పర్ లారీ పక్కగా వెళ్తున్న కారుపై బోల్తా కొట్టింది. ఈ ఘటనలో ఇద్దరు మృతి చెందారు. కర్ణాటకలోని అట్టిబెలే-హోసూరు జాతీయ రహదారిపై జరిగిందీ ఘటన.
ప్రమాద స్థలానికి చేరుకున్న పోలీసులు.. కంకర లోడుతో వెళ్తున్న టిప్పర్ తమిళనాడు చెందినది గుర్తించారు. శిథిలాలను తొలగించి.. కారులో ఇరుక్కుపోయిన రెండు మృతుదేహాలను వెలికి తీశారు.
తమిళనాడులో మరో ప్రమాదం
తమిళనాడు తిరుపూర్ జిల్లాకు సమీపంలో మరో ప్రమాదం జరిగింది. ఆగి ఉన్న లారీని ద్విచక్రవాహనం ఢీకొన్న ఘటనలో నలుగురు మరణించారు. ఆ సమయంలో నలుగురూ ఒకే బైక్పై ప్రయాణిస్తున్నారు.
పని ముగించుకుని ఇంటికి వెళ్తుండగా.. సోమవారం తెల్లవారుజామున 3.30 ప్రాంతంలో ప్రమాదం జరిగిందని పోలీసులు తెలిపారు. ఇద్దరు అక్కడికక్కడే చనిపోగా.. ఆసుపత్రిలో చికిత్స పొందుతూ మరో ఇద్దరు మరణించారని పేర్కొన్నారు.
ఇదీ చూడండి: ఖైదీల హత్యకు కుట్ర- ఇద్దరు ఉగ్రవాదులు అరెస్ట్
