దున్నపోతు కోసం మూడు గ్రామాల ప్రజలు గొడవపడ్డారు. ఈ ఘటన కర్ణాటకలోని దావనగెరె జిల్లాలో జరిగింది.
నాలుగేళ్ల వయస్సున్న ఓ దున్నపోతు.. దారితప్పి సాస్వేహళ్లీ గ్రామానికి చేరింది. ఆంజనేయ స్వామికి ఆ దున్నపోతును మొక్కుకుని.. గ్రామస్థులు గుడిలో వదిలేశారు.
ఆ దున్నపోతు తమదేనని శివమొగ్గ జిల్లా జాంబరగట్టే గ్రామస్థులు ఆరోపించారు. దాన్ని దుర్గామాతకు మొక్కి వదిలామని అన్నారు. కాగా చీలూరు గ్రామస్థులు వచ్చి ఆ దున్నపోతును తమదని వాదించారు. ఈ క్రమంలో ఘర్షణ పెద్దదై మూడూళ్ల ప్రజలు తీవ్రంగా కొట్టుకున్నారు. ఇంతలో పోలీసులు వచ్చి పరిస్థితిని అదుపుచేశారు. వారితో చర్చించిన అనంతరం దున్నపోతును జాంబరగట్టే గ్రామస్థులకు అప్పజెప్పారు.
ఇదీ చూడండి: ఈ 'పిల్లి కళ్లు' చూడటానికి రెండు కళ్లు చాలవు!
