indore thief news: మధ్యప్రదేశ్లోని ఇండోర్లో జరిగిన ఓ దొంగతనం సామాజిక మాధ్యమాల్లో వైరల్గా మారింది. దీనికి కారణం వారు దోచుకున్న విధానమే. సాధారణంగా ఎవరైనా దొంగలు ఓ ఇంటికి దొంగతనానికి వెళ్తే ముందుగా దొచుకునేది బంగారం, వెండి దీనితో పాటు దొరికిన కాడికి నగదు. కానీ ఈ దొంగలు మాత్రం మరో అడుగు ముందుకు వేసిన ఏకంగా ఇంటిని క్లీన్ స్వీప్ చేశారు.
వారు దొంగతనానికి వెళ్లిన ఇంటిలో ఉండే నగలతో పాటు వెండి వస్తువులను, నగదును, రూపాయి నాణాలను కూడా వదలకుండా దోచుకున్నారు. అంతటితో ఆగకుండా దేవుడి గదిలో ఉండే గణగణ కొట్టే గంట నుంచి భోజనం చేసే డైనింగ్ టేబుల్పై ఉండే స్పూన్ వరకు ఏదీ వదలకుండా స్వాహా చేశారు.
ఇవి కూడా చాలవు అని అనుకున్నారు ఏమో కానీ... వంటిట్లో ఉండే రేషన్ బియ్యం, అవి వండే మట్టి కుండలు, చిన్న చిన్న ప్లేట్లు, మహిళలు వేసుకునే బట్టలు, లో దుస్తులతో సహా అన్నింటినీ క్లీన్స్వీప్ చేశారు. ఈ దొంగలు చేసిన చోరీ గురించి తెలిసిన పోలీసులు ముక్కున వేలేసుకున్నారు. ఇలాంటి దొంగతనాన్ని తన 24 ఏళ్ల సర్వీసులో ఇప్పటి వరకు ఎప్పుడూ చూడలేదని అంటున్నారు స్థానికి పోలీస్ స్టేషన్ ఆఫీసర్ రఘువంశీ.
ఈ దొంగతనంలో కనీసం ముగ్గురు నుంచి నలుగురు భాగం అయ్యి ఉంటారని అనుమానిస్తున్నారు పోలీసులు. వారిని పట్టుకునేందుకు సీసీటీవీ ఫుటేజ్లను పరిశీలిస్తున్నట్లు తెలిపారు.
ఇదీ చూడండి: సైక్లింగ్ చేస్తూ చెట్టును ఢీకొట్టి.. వైద్య విద్యార్థిని దుర్మరణం
