వింగ్లూంగ్ డ్రోన్లు భారత భూభాగంలోకి తొంగిచూస్తే కూల్చేస్తామని సైన్యం హెచ్చరించింది. చైనా తన సైనిక అవసరాల కోసం తయారు చేసిన వింగ్లూంగ్ సాయుధ డ్రోన్లు పాకిస్థాన్కు విక్రయించింది. జమ్ముకశ్మీర్లోని నియంత్రణ రేఖ, లద్దాఖ్లోని వాస్తవాధీనరేఖ వద్ద గగనతలాన్ని రాడార్లు చాలా నిశితంగా పరిశీలిస్తాయని, వాటిని ఎదుర్కొంటాయని సైనికాధికారులు తెలిపారు. సాయుధ డ్రోన్లు గీత దాటితే సులువుగా కూల్చివేయవచ్చని మాజీ ఎయిర్ ఫోర్స్ అధికారులు అభిప్రాయపడుతున్నారు.
మానవరహిత వైమానిక వాహనాలు, నియంత్రణ రేఖ వద్ద లేదా వాస్తవాధీనరేఖ దాటకుండా గగనతలం నుంచి భూమిపైకి ఆయుధాలను ప్రయోగించేందుకు దోహదపడతాయి. వింగ్లూంగ్ సాయుధ డ్రోన్ల గురించి చైనా, పాక్ ఎంత ప్రచారం చేసినా వాటిని సులభంగా కూల్చివేస్తామని సైన్యం ప్రకటించింది.
ఇదీ చూడండి: 'భాజపా వ్యతిరేక పార్టీలు ఏకమైతేనే బలమైన ప్రతిపక్షం'
