రాష్ట్రపతి రామ్నాథ్ కోవింద్ అధ్యక్షతన రాష్ట్రాలు, కేంద్ర పాలిత ప్రాంతాల గవర్నర్లు, లెఫ్టినెంట్ గవర్నర్ల 51వ సమావేశం.. రాష్ట్రపతి భవన్లో నిర్వహించారు. ఈ సమావేశానికి ఉపరాష్ట్రపతి వెంకయ్య నాయుడు, ప్రధానమంత్రి నరేంద్ర మోదీ, హోంమంత్రి అమిత్ షా సహా పలు రాష్ట్రాల గవర్నర్లు హాజరయ్యారు.
రాష్ట్రపతి రామ్నాథ్ కోవింద్ అధ్యక్షతన జరిగిన నాలుగో సమావేశం ఇది.
కరోనా వారియర్స్పై ప్రశంసలు..
కొవిడ్-19 మహమ్మారి వేళ కరోనా యోధులు అంకితభావంతో పని చేశారని కొనియాడారు కోవింద్. పరిమిత వనరులు ఉన్నప్పటికీ కరోనాపై భారత్ గొప్ప పోరాటం సాగించిందని తెలిపారు. అలాగే.. ప్రపంచవ్యాప్తంగా చాలా దేశాలకు అండాగా నిలిచిందని గుర్తు చేశారు.
" రెండేళ్ల విరామం తర్వాత ఈ రోజు సమావేశమయ్యాం. కొవిడ్-19 మహమ్మారిపై మన కరోనా యోధులు అంకితభావంతో పోరాటం చేశారు. నేటికి 108 కోట్ల డోసుల కొవిడ్ టీకాల పంపిణీ జరిగింది. దేశవ్యాప్తంగా వ్యాక్సినేషన్ వేగంగా కొనసాగుతోంది."
- రామ్నాథ్ కోవింద్, రాష్ట్రపతి
1949 నుంచి ఏటా గవర్నర్ల సదస్సు జరుగుతోంది. అయితే కరోనా మహమ్మారి కారణంగా గతేడాది జరగాల్సిన భేటీ రద్దయింది.
ఇదీ చూడండి: అఫ్గాన్పై 'దిల్లీ డిక్లరేషన్'- ఉగ్రవాదాన్ని తరిమికొట్టాలని పిలుపు
