ముంబయిలో దాడులు చేస్తామని ఖలిస్థానీల బెదిరింపు!

Terror Threat Mumbai: ఉగ్రవాదుల నుంచి ముంబయి పోలీసులకు బెదిరింపు వచ్చింది. ఈ మేరకు డిసెంబరు 31 న రాష్ట్ర వ్యాప్తంగా హై అలర్ట్ ప్రకటించారు అధికారులు. పోలీసులు సెలవులను రద్దు చేసుకుని విధులు నిర్వర్తించాలని ఆదేశించారు.

Terror Threat Mumbai: ముంబయి పోలీసులకు ఖలిస్థానీల నుంచి బెదిరింపు వచ్చింది. నగరంలో వారు ఉగ్రదాడులకు పాల్పడతారనే అనుమానం ఉన్న క్రమంలో అధికారులు అప్రమత్తమయ్యారు. డిసెంబర్​ 31(శుక్రవారం) పోలీసులు నగరవ్యాప్తంగా విధులు నిర్వర్తించాలని ఆదేశాలు జారీచేశారు.

ఈ మేరకు పోలీసులకు సెలవులను రద్దు చేశారు. ముంబయిలోని ప్రధాన ప్రాంతాలైన దదర్, బంద్రా చర్చ్​గేట్, సీఎస్​ఎంటీ, కుర్లా.. తదితర స్టేషన్​లలో హై అలర్ట్​ ప్రకటించింది ప్రభుత్వం.

శుక్రవారం ఒక్కరోజే 3వేలమంది రైల్వే అధికారులు నగరవ్యాప్తంగా ఉన్న వివిధ స్టేషన్​లలో విధులు నిర్వర్తించనున్నట్లు ముంబయి రైల్వే అధికారి ఖైజర్ ఖలీద్ తెలిపారు. ఇప్పటికే ఒమిక్రాన్​ దృష్ట్యా రాష్ట్రంలో 144 సెక్షన్ అమల్లో ఉందన్నారు.

ఇదీ చూడండి: మెట్ల నుంచి 'పియానో' రాగాలు.. ఫిదా అవుతున్న ప్రయాణికులు