తమిళనాడు తూత్తుకుడి జిల్లాలో విషాదం జరిగింది. మొబైల్ ఫోన్ అధికంగా వాడుతోందని సొంత చెల్లినే హత్య చేశాడు ఆమె అన్న.
వసవప్పపురం గ్రామంలో రైతు సుదాలాల్ నివసిస్తున్నాడు. అతనికి కుమారుడు మలైరాజ్(20), కూతురు కవిత(17) ఉన్నారు. ఇటీవల కవిత సెల్ఫోన్ను అధికంగా వాడుతోంది. నిత్యం ఫేస్బుక్, వాట్సాప్, వీడియో గేమ్స్తో గడుపుతోంది. దీంతో ఆమె అన్న మలైరాజ్కు కోపం వచ్చేది. ఫోన్ అధికంగా వాడొద్దంటూ చెల్లిని మలైరాజ్ పలుమార్లు హెచ్చరించాడు. ఈ క్రమంలో జూన్ 29న కవిత ఫోన్లో గేమ్ ఆడుతుండగా.. ఆపేయమని ఆదేశించాడు. అయినా ఆమె ఆపలేదు. దీంతో ఇద్దరి మధ్య గొడవ ప్రారంభమైంది. కోపంలో కొడవలితో కవితను మలైరాజ్ చంపేశాడని పోలీసులు తెలిపారు.
ఘటనా స్థలానికి చేరుకున్న పోలీసులు.. కవిత మృతదేహాన్ని ఆసుపత్రికి తరలించారు. కేసు నమోదు చేసి మలైరాజ్ను అరెస్టు చేశారు. దర్యాప్తును కొనసాగిస్తున్నారు.
ఇవీ చదవండి:క్షుద్రపూజల నిందవేసి.. మలం తినిపించి...
