తమిళనాడులోని మందు బాబులకు కిక్ ఇచ్చే ప్రకటన చేసింది సర్కారు. రాష్ట్రంలోని 27 జిల్లాల్లో నేటి నుంచి వైన్ షాపులు తెరుచుకోనున్నాయని తెలిపింది. ఉదయం 10 నుంచి సాయంత్రం 5గంటల వరకు అవి తెరిచి ఉంటాయి. కరోనా కేసులు తగ్గుతోన్న నేపథ్యంలో మే 10న విధించిన ఆంక్షల సడలింపులో(Unlock) భాగంగా ప్రభుత్వం ఈ మేరకు నిర్ణయించింది. దీంతో లిక్కర్ కోసం ఆంధ్రాకు క్యూ కట్టిన మందుబాబులకు.. ఆ శ్రమ తప్పనుంది.
సెలూన్లు, ఆటోలు..
చెన్నై సహా 27 జిల్లాల్లో సెలూన్లు, బ్యూటీ పార్లర్లు, స్పాలను 50 శాతం సామర్థ్యంతో తెరిచేందుకు అనుమతించింది రాష్ట్ర ప్రభుత్వం. పార్కులు ఉదయం 6 నుంచి 9 వరకు తెరిచి ఉంటాయని తెలిపింది. ట్యాక్సీలు, ఆటోలు నడిచేందుకు అనుమతించింది.
దశలవారీ అన్లాక్ ప్రక్రియలో భాగంగా అంబాలాలో జిమ్లను 50 శాతం సామర్థ్యంతో నిర్వహించేందుకు హరియాణా సర్కారు అనుమతించింది.
ఆటోలు రయ్..
కర్ణాటకలోని 19 జిల్లాల్లో కరోనా ఆంక్షలను సడలించింది రాష్ట్ర ప్రభుత్వం. ధార్వాడ్లో ఆటోలు, క్యాబ్లను రాత్రి 7 గంటల వరకు నడిపేందుకు అనుమతించింది. అన్ని పరిశ్రమలు 50 శాతం సిబ్బందితో పని చేయవచ్చని తెలిపింది.
దిల్లీలోనూ సోమవారం నుంచి 50 శాతం సామర్థ్యంతో రెస్టారెంట్లు తెరుచుకోనున్నాయి. జమ్ము కశ్మీర్లో 8 జిల్లాల్లో నిబంధనలను సడలించారు. పంజాబ్లో సాయంత్రం 6 వరకు దుకాణాలను తెరిచి ఉంచేందుకు ప్రభుత్వం అనుమతించింది.
ఇదీ చూడండి: అన్లాక్కు గ్రీన్ సిగ్నల్- మాల్స్, మార్కెట్లు ఓపెన్
