తమిళనాడు ఎన్నికలు సమీపిస్తున్న వేళ.. 15మందితో కూడిన అభ్యర్థుల తొలి జాబితాను విడుదల చేశారు అమ్మ మక్కళ్ మున్నేట్ర కళగం(ఏఎంఎంకే) పార్టీ అధినేత దినకరన్. మాజీ ఎమ్మెల్యే పీ.పలనిప్పన్, ఎమ్.రంగస్వామి, జీ.సెంతమిళన్, సీ.షణ్ముగవేలు, ఎన్జీ పార్థిబాన్లు ఆ జాబితాలో ఉన్న ప్రముఖులు.
త్వరలో జరగబోయే అసెంబ్లీ ఎన్నికలకు ఏఐఎమ్ఐఎమ్ అధినేత ఓవైసీతో పొత్తుపెట్టుకుంటున్నట్లు దినకరన్ సోమవారం ప్రకటించారు. అసదుద్దీన్ పార్టీకి మూడు సీట్లు కేటాయించింది ఏఎంఎంకే. వానియంబడి, కృష్ణగిరి, శంకరపురం నియోజకవర్గాల్లో ఏఐఎంఐఎం బరిలో దిగనుంది. ముస్లిం ఓటర్లు ఎక్కువగా ఉండే 10-15 నియోజకవర్గాల్లో ఈ పొత్తు ప్రభావం ఉండొచ్చని విశ్లేషకులు అంచనా వేస్తున్నారు.
రాష్ట్రంలో 234 సీట్లకు ఏప్రిల్ 6న ఎన్నికలు జరగనున్నాయి. మే 2న ఫలితాలు వెలువడనున్నాయి.
ఇదీ చదవండి:తమిళనాట దినకరన్తో ఓవైసీ పొత్తు
