కర్ణాటకలోని విజయనగర జిల్లా హోసపేట పట్టణం పటేల్నగర్లోని ఓ ప్రైవేటు ఆస్పత్రిలో ఎడమకాలికి తొమ్మిది వేళ్లతో ఓ మగబిడ్డ(baby boy) జన్మించాడు. స్థానికంగా ఓ మహిళకు పురిటినొప్పులు రావడం వల్ల మంగళవారం రాత్రి ఆస్పత్రిలో చేర్పించారు. అక్కడి వైద్యుడు ఆమెకు శస్త్రచికిత్స జరిపి కాన్పు చేశారు.
ఆమెకు గతంలో ఇద్దరు బిడ్డలు కలిగి మృతిచెందారు. ప్రస్తుతం మూడో సంతానం. తల్లీబిడ్డలు ఆరోగ్యంగా ఉన్నారని, నెలలు నిండిన అనంతరమే కాన్పు జరిగిందని శస్త్రచికిత్స చేసిన వైద్యుడు బాలచంద్రన్ పేర్కొన్నారు. పసికందు(baby) తల్లిదండ్రులు కోరితే శస్త్రచికిత్స చేసి అదనపు వేళ్లను తొలగించవచ్చని ఆయన తెలిపారు.
ఇదీ చదవండి : మాస్కు ధరించలేదని మేకులు దించారు!
