SJVN Engineering Jobs 2023 : ఉన్నత విద్య అభ్యసించి ప్రభుత్వ ఉద్యోగాల కోసం ప్రిపేర్ అవుతున్న అభ్యర్థులకు గుడ్ న్యూస్. కేంద్ర ప్రభుత్వ రంగ సంస్థ, మినీ రత్న హోదా కలిగిన ఎస్జేవీఎన్ లిమిటెడ్ 155 పోస్టుల భర్తీ కోసం ప్రకటన విడుదల చేసింది.
ఉద్యోగాల వివరాలు
- సివిల్ జూనియర్ ఫీల్డ్ ఇంజినీర్ - 90
- ఎలక్ట్రికల్ జూనియర్ ఫీల్డ్ ఇంజినీర్ - 15
- మెకానికల్ జూనియర్ ఫీల్డ్ ఇంజినీర్ - 10
- హెచ్ఆర్ జూనియర్ ఫీల్డ్ ఆఫీసర్ - 10
- ఎఫ్ & ఏ జూనియర్ ఫీల్డ్ ఆఫీసర్ - 12
- ఐటీ జూనియర్ ఫీల్డ్ ఇంజినీర్ - 8
- ఓఎల్ జూనియర్ ఫీల్డ్ ఇంజినీర్ - 2
- పీఆర్ జూనియర్ ఫీల్డ్ ఆఫీసర్ - 4
- ఆర్కిటెక్చర్ జూనియర్ ఫీల్డ్ ఆఫీసర్ - 4
విద్యార్హతలు
SJVN Job Qualification :
- ఇంజినీరింగ్ అభ్యర్థులు గుర్తింపు పొందిన విశ్వవిద్యాలయం నుంచి ఆయా పోస్టులకు అనుగుణంగా ఇంజినీరింగ్, డిప్లొమా ఉత్తీర్ణత సాధించి ఉండాలి.
- హెచ్ఆర్ పోస్టులకు పోస్ట్ గ్రాడ్యుయేషన్/ డిప్లొమా ఇన్ పర్సనల్ మేనేజ్మెంట్/ సోషల్ వర్క్/ లేబర్ వెల్ఫేర్/ బిజినెస్ మేనేజ్మెంట్/ ఆఫీస్ మేనేజ్మెంట్/ పబ్లిక్ అడ్మినిస్ట్రేషన్ క్వాలిఫై అయ్యుండాలి.
- ఎఫ్ & ఏ జూనియర్ ఫీల్డ్ ఆఫీసర్ పోస్టులకు సీఏ/ ఐసీడబ్ల్యూఏ-సీఎంఏ/ ఎం.కామ్ చేసి ఉండాలి.
- పీఆర్ పోస్టులకు జర్నలిజం/ పబ్లిక్ రిలేషన్స్/ మాస్ కమ్యునికేషన్ డిగ్రీ చేసి ఉండాలి.
- ఆర్కిటెక్టర్ పోస్టులకు ఫుల్టైమ్ ఆర్కిటెక్టర్ డిప్లొమా చేసి ఉండాలి. పూర్తి వివరాల కోసం అధికారిక నోటిఫికేషన్ చూడండి.
వయోపరిమితి
SJVN Job Age Limit : అభ్యర్థుల వయస్సు 30 ఏళ్లు లోపు ఉండాలి. అయితే ప్రభుత్వ నిబంధనల ప్రకారం, ఆయా కేటగిరీల వారికి వయోపరిమితి మినహాయింపులు వర్తిస్తాయి.
జీతభత్యాలు
SJVN Job Salary : ఎంపికైన అభ్యర్థులకు నెలకు రూ.45,000 చొప్పున జీతం అందిస్తారు. దీనితో పాటు అదనంగా అనేక బెనిఫిట్స్ కూడా కల్పిస్తారు. పూర్తి వివరాల కోసం అధికారిక నోటిఫికేషన్ చూడండి.
ఎంపిక విధానం
SJVN Job Selection Process : అభ్యర్థులకు కంప్యూటర్ బేస్డ్ టెస్ట్ నిర్వహిస్తారు. దీనిలో ఉత్తీర్ణులైన అభ్యర్థులను ఆయా పోస్టులకు ఎంపిక చేస్తారు. కంప్యూటర్ బేస్డ్ టెస్ట్లో సంబంధిత విభాగాలకు సంబంధించి 70 మల్టిపుల్ ఛాయిస్ ప్రశ్నలు ఇస్తారు. అలాగే 30 జనరల్ ఆప్టిట్యూడ్ ప్రశ్నలు అడుగుతారు. క్వాలిఫయింగ్ మార్కుల విషయానికి వస్తే.. జనరల్, ఓబీసీ అభ్యర్థులు కనీసం 50 శాతం మార్కులు; ఎస్సీ, ఎస్టీ, దివ్యాంగులు కనీసం 40 శాతం మార్కులు సాధించాల్సి ఉంటుంది.
దరఖాస్తు చేయడం ఎలా?
SJVN Job Online Apply Process :
- అభ్యర్థులు ముందుగా www.sjvn.nic.in వెబ్సైట్ను ఓపెన్ చేయాలి.
- వెబ్సైట్లో మీ వ్యక్తిగత, విద్యార్హత వివరాలు నమోదు చేయాలి. ముఖ్యంగా మీ అఫీషియల్ ఈ-మెయిల్ ఐడీని ఇవ్వాలి.
- మీ మెయిల్కు.. అప్లికేషన్ సీక్వెన్స్ నంబర్, యూజర్ ఐడీ, పాస్వర్డ్ సహా ఇతర ముఖ్యమైన సమాచారాన్ని కంపెనీ పంపిస్తుంది.
- యూజర్ లాగిన్ డీటైల్స్ ఉపయోగించి, మీ యూజర్ సెక్షన్లోకి లాగిన్ కావాలి.
- అప్లికేషన్ ఫీజును ఆన్లైన్లో చెల్లించాలి. అయితే దీనిని మరలా రిఫండ్ చేయరు.
- చివరిగా మీ అప్లికేషన్లోని వివరాలు అన్నింటినీ చెక్ చేసుకుని, దానిని సబ్మిట్ చేయాలి.
- భవిష్యత్ అవసరాల కోసం అప్లికేషన్ ప్రింట్అవుట్ను తీసుకుని భద్రపరుచుకోవాలి.
ముఖ్యమైన తేదీలు
SJVN Job Online Apply Last Date : దరఖాస్తు చేయడానికి ఆఖరు తేదీ : 2023 అక్టోబర్ 9
