ఆరు నెలల చిన్నారికి పూజలు.. దర్శనం కోసం వందలాది మంది క్యూ.. ఆ మచ్చలే కారణం

ఆధునిక యుగంలోనూ అంధ విశ్వాసాలు రాజ్యమేలుతున్నాయి. ఆరు నెలల చిన్నారి నుదిటిపై కుంకుమ రంగులో ఉన్న మచ్చలు పెరగడం వల్ల.. శిశువును దేవతగా భావించి పూజలు చేస్తున్నారు. ఈ ఘటన మహారాష్ట్రలో జరిగింది.

మహారాష్ట్ర హింగోలీలోని కపడసింగి గ్రామంలో ఓ విచిత్రమైన ఘటన జరిగింది. ఆరు నెలల చిన్నారిని దేవతగా భావించి పూజలు చేస్తున్నారు భక్తులు. స్థానికంగా ఉండే భక్తులతో పాటు విదేశాల నుంచి శిశువు చూసేందుకు తరలివస్తున్నారు.
ఆరు నెలల క్రితం కపడసింగి తండాలో సుభాశ్​ అనే వ్యక్తికి జన్మించిన బాలిక నుదుటి భాగంలో ఎరుపు, పసుపు రంగు మచ్చలు ఉండేవి. అవి వయసుతోపాటే పెరిగి.. కుంకుమ రంగులోకి మారిపోయాయి. ప్రస్తుతం చిన్నారి నుదిటి మొత్తం కుంకుమ రంగు వ్యాపించడం వల్ల.. ఆ పాపను అమ్మవారిగా భావించి పూజలు చేయడం మొదలుపెట్టారు భక్తులు. చిన్నారిని చూసేందుకు మహిళా భక్తులు భారీగా తరలివస్తున్నారు.

ఆరు నెలల చిన్నారికి పూజలు

ఆరు నెలల చిన్నారికి పూజలు

ఇవీ చదవండి: 'మిస్త్రీ యాక్సిడెంట్​కు 5 సెకన్ల ముందు అలా..'.. బెంజ్ కంపెనీ కీలక నివేదిక