నందిగ్రామ్లో భాజపా నేత సువేందు అధికారి ఎన్నికను సవాలు చేస్తూ.. బంగాల్ ముఖ్యమంత్రి మమతా బెనర్జీ దాఖలు చేసిన వ్యాజ్యంపై తీర్పును వాయిదా వేసింది కోల్కతా హైకోర్టు.
నందిగ్రామ్ ఫలితాలను సవాల్ చేస్తూ ముఖ్యమంత్రి మమతా బెనర్జీ దాఖలు చేసిన పిటిషన్ సహా న్యాయమూర్తి తప్పుకోవాలని కోరుతూ చేసిన దరఖాస్తులపై విచారణ చేపట్టింది జస్టిస్ కౌషిక్ చందా నేతృత్వంలోని ఏకసభ్య ధర్మాసనం.
మమత తరఫున హాజరైన న్యాయవాది సింగ్వీ వాదనలు వినిపించారు. జస్టిస్ చందాకు భాజపాతో సంబంధాలు ఉన్నాయని పలు ఆధారాలు చూపించారు. గతంలో ఓ కేసులో న్యాయమూర్తి కలుగజేసుకున్న సందర్భాన్ని ప్రస్తావించారు. ఈ సందర్భంగా.. విచారణ నుంచి న్యాయమూర్తిని తప్పుకోవాలని, మరో బెంచ్కు అప్పగించాలని కోరేందుకు పిటిషనర్కు పూర్తి హక్కు ఉంటుందని, అందుకు భరోసా ఇస్తున్నామని జస్టిస్ చందా పేర్కొన్నారు. ఈ విషయం న్యాయపరంగానే నిర్ణయమవుతుందన్నారు.
విచారణకు ముందు తమ కేసును మరో బెంచుకు అప్పగించాలని కోరుతూ.. మమత తరఫు న్యాయవాది హైకోర్టు తాత్కాలిక ప్రధాన న్యాయమూర్తికి లేఖ రాశారు.
ఇదీ చూడండి: Sonia: 'ప్రజలు టీకా తీసుకునేలా ప్రోత్సహించాలి'
