Family Missing In UttarPradesh : ఉత్తర్ప్రదేశ్లోని అయోధ్య జిల్లా నుంచి హిమాచల్ప్రదేశ్లోని మనాలీ వెళ్లిన ఓ కుటుంబం గల్లంతయ్యింది. మొత్తం 11 మంది ఆచూకీ లభించలేదు. సమాచారం అందుకున్న పోలీసులు దర్యాప్తు చేపట్టారు. అయితే, వీరంతా మనాలీలో జరిగిన బస్సు ప్రమాదంలో చనిపోయి ఉంటారని పోలీసులు ప్రాథమికంగా భావిస్తున్నారు.
పోలీసులు తెలిపిన వివారలు ప్రకారం.. అయోధ్యలోని కుమార్గంజ్ ప్రాంతంలో పిఠ్లా గ్రామానికి చెందిన అబ్దుల్ మజీద్ అనే వ్యక్తి కుటుంబం.. జులై 7న హిమాచల్ ప్రదేశ్లోని మనాలీకి బయలుదేరింది. జులై 10 వరకు తమ పక్కింటి వారితో టచ్లోనే ఉన్నారు. మనాలీలో ఉన్న ఆ కుటుంబానికి చెందిన వ్యక్తి.. తమ చుట్టాలు ఇంకా మనాలీకి చేరుకోలేదని అబ్దుల్ పక్కింటి వారికి సమాచారం ఇచ్చాడు. దీంతో అబ్దుల్ పక్కింటి వారు అతడిని ఫొన్లో సంప్రదించడానికి ప్రయత్నించారు. వారి నుంచి ఎలాంటి స్పందన లేకపోవడం వల్ల కుమార్గంజ్ పోలీసులకు సమాచారం అందించారు. ఈ ఘటనపై ఫిర్యాదు అందుకున్న పోలీసులు దర్యాప్తు చేపట్టారు. గల్లంతైన వారిలో అబ్దుల్ మజీత్తో సహా నజ్మా, బహార్, పర్వీన్, ఇషితహార్, ఒమైర్, కరీనా, వారిస్ అలి, మౌసమ్, అల్వేరా వీరి బంధువు ఎజాజ్ అహ్మద్ ఉన్నారు.
ఘోర రోడ్డు ప్రమాదం.. ఆరుగురు మృతి..
మధ్యప్రదేశ్లోని సాగర్ జిల్లాలో ఘోర రోడ్డు ప్రమాదం జరిగింది. కారు, ట్రక్కు ఢీకొన్న ఘటనలో ఆరుగురు మృతిచెందగా.. ఒకరు గాయపడ్డారు. ఈ ఆదివారం జరిగిన ఈ ప్రమాదంలో కారు నుజ్జునుజ్జైపోయింది. ట్రక్కు రోడ్డు పక్కన ఉన్న గుంతలో పడిపోయింది. సమాచారం అందుకున్న పోలీసులు ఘటనా స్థలానికి దర్యాప్తు చేపట్టారు.
పోలీసులు తెలిపిన వివరాల ప్రకారం.. సాగర్-జబల్పుర్ రోడ్డుపై ఏడుగురు ప్రయాణిస్తున్న ఓ కారు.. సాయంత్ర 5 గంటల సమయంలో సనౌధా పోలీస్ స్టేషన్ పరిధిలో ఎదురుగా వస్తున్న ట్రక్కును బలంగా ఢీకొట్టింది. ఈ ఘటనలో నలుగురు వ్యక్తులు అక్కడికక్కడే మృతిచెందారు. తీవ్రంగా గాయపడిన మరో ముగ్గురిని ఆస్పత్రికి తరలించారు. చికిత్స పొందుతూ మరో ఇద్దరు మరణించారు. మృతి చెందిన వారిలో ముగ్గురిని అర్పిత్ జైన్, బ్రిజేశ్ ఠాకూర్, ముక్కు ర్యాంక్వర్ గుర్తించారు. ఈ ప్రమాదంలో కారు నుజ్జు నుజ్జు అయింది. ట్రక్కు రోడ్డు పక్కన ఉన్న గుంతలో పడిపోయింది. ఈ ప్రమాదం గురించి సమాచారం అందుకున్న పోలీసులు ఘటనా స్థలానికి చేరుకుని దర్యాప్తు చేపట్టారు. అయితే, ప్రమాదానికి గురైన కారు.. స్థానిక కాంగ్రెస్ నాయకుడు అమిత్ రాంజీ దుబేకు చెందిన అమర్దీప్ ట్రావెల్స్ మీద రిజిస్టర్ అయినట్లు పోలీసులు గుర్తించారు.
