'ఉక్రెయిన్​లోని భారతీయుల తరలింపుపై కేంద్రం చర్యలు భేష్​'

Indian Students in Ukraine: ఉక్రెయిన్​లోని భారతీయుల తరలింపుపై కేంద్రం చేపడుతున్న చర్యలను సుప్రీంకోర్టు ప్రశంసించింది. విద్యార్థుల కుటుంబాల కోసం హెల్ప్​డెస్క్​ ఏర్పాటు చేయాలని సూచించింది.

Indian Students in Ukraine: 'ఆపరేషన్​ గంగ' పేరుతో ఉక్రెయిన్​లో చిక్కుకున్న భారతీయుల తరలింపునకు కేంద్రం చేపడుతున్న చర్యలను సుప్రీంకోర్టు ప్రశంసించింది. అయితే వారు వచ్చేవరకు కుటుంబాలు ఎదుర్కొంటున్న ఒత్తిడిపై ధర్మాసనం ఆందోళన వ్యక్తం చేసింది. వీరి కోసం ఆన్​లైన్ హెల్ప్​డెస్క్​ ఏర్పాటు చేయాలని సీజేఐ జస్టిస్​ ఎన్​వీ రమణ, జస్టిస్​ హిమా కోహ్లీ, ఏఎస్​ బోపన్నలతో కూడిన ధర్మాసనం సూచించింది.

"చరిత్ర నుంచి మనం పాఠాలు నేర్చుకోలేకపోవడం దురదృష్టకరం. యుద్ధాలతో ఎంతో నష్టం జరిగింది. సమస్యలను చర్చల ద్వారా పరిష్కరించుకోవచ్చు. విద్యార్థుల తరలింపు ప్రక్రియపై ప్రస్తుతం మేము ఎలాంటి అభ్యంతరాలు వ్యక్తం చేయబోము. ఆ విద్యార్థులందరూ సురక్షితంగా చేరడంపైనే మా ఆందోళన."

-సుప్రీంకోర్టు

ఉక్రెయిన్​లో చిక్కుకున్న విద్యార్థుల తరలింపు ప్రక్రియలో తన వంతు కృషి చేసిన అటార్నీ జనరల్​ కేకే వేణుగోపాల్​ను సుప్రీంకోర్టు ప్రశంసించింది.

ఇప్పటివరకు 17వేల మందిని ఉక్రెయిన్​ నుంచి తరలించామని.. మరో 7000 మందిని తీసుకురావాల్సి ఉందని కేకే వేణుగోపాల్​ వెల్లడించారు.

ఇదీ చూడండి: నాడు ప్రాణాలు లెక్కచేయని విద్యార్థి- ఆ శునకంతో భారత్​కు సేఫ్​గా..