ఉత్తరాఖండ్ పిథౌరీగఢ్లోని సరయూ నదిలో మృతదేహాలు(dead bodies in Sarayu river) కనిపించడం కలకలం రేపింది. అవి కరోనా రోగుల మృతదేహాలని అనుమానిస్తున్నారు. దీంతో స్థానికులు భయాందోళనకు గురయ్యారు.
నదిలోని నీరు కలుషితమై కరోనా వ్యాప్తికి కారణమవుతుందేమోనని ఆందోళన వ్యక్తం చేస్తున్నారు. పిథౌరీగఢ్ పట్టణానికి 30కిలోమీటర్ల దూరంలో ఉన్న ఈ నది నుంచే తాగు నీటిని సరఫరా చేస్తారు.
నదిలో మృతదేహాలు తేలిన ప్రాంతం పిథౌరీగఢ్కు చెందినది కాదని తహశీల్దార్ పంకజ్ చందోల తెలిపారు. ఆ మృతదేహాలు ఎక్కడి నుంచి వచ్చాయో దర్యాప్తు జరుపుతున్నామని స్పష్టం చేశారు.
ఇటీవల ఉత్తర్ ప్రదేశ్, బిహార్లోని గంగానదిలో కూడా కరోనా వల్ల చనిపోయినవారి మృతదేహాలు బయటపడ్డాయి. ఈ వార్త దేశవ్యాప్తంగా సంచలనంగా మారింది. ఈ వ్యవహారంపై కేంద్రం సీరియస్ అయింది. ఇలాంటి సంఘటనలు జరగకుండా చూసుకోవాలని రాష్ట్రాలను ఆదేశించింది.
ఇదీ చదవండి: whatsapp: వినియోగదారులకు కేంద్ర మంత్రి భరోసా
