Safety of Children: పిల్లల్ని బైక్పై తీసుకెళ్తున్నారా? అయితే జాగ్రత్తగా ఉండాల్సిందే. కేంద్ర రోడ్డు, రవాణా, రహదారుల మంత్రిత్వ శాఖ కొత్త నియమ నిబంధనలను రూపొందించింది.
కొత్త నిబంధనల ప్రకారం 4 ఏళ్లలోపు చిన్నారులను తీసుకెళ్లేటప్పుడు లైఫ్‌జాకెట్‌ లాంటి కొత్త తరహా జాకెట్‌(సేఫ్టీ హార్నెస్) ధరించాలని పేర్కొంది. ఈ జాకెట్‌కు ఉన్న స్ట్రాప్స్‌ని డ్రైవర్‌ నడుము చుట్టూ బెల్టు మాదిరిగా బిగించాలని మంత్రిత్వ శాఖ తెలిపింది. క్రాష్ హెల్మెట్ కూడా తప్పనిసరి అని వెల్లడించింది.
ఆ మోటార్ సైకిల్ వేగం రూ. 40 కిలోమీటర్లకు మించొద్దని కూడా కేంద్రం వెలువరించిన నోటిఫికేషన్లో స్పష్టం చేసింది. మోటారు వాహనాల చట్టం 2022లో (రెండో సవరణ) సంబంధిత నియమాలను పొందుపరిచింది. నిబంధనలు ఖరారైన ఏడాది తర్వాత.. ఇవి అమల్లోకి వస్తాయని నోటిఫికేషన్లో పేర్కొంది.
వెహికిల్ ట్రాకింగ్ సిస్టమ్ డివైస్..
ఆర్గాన్, నైట్రోజన్, ఆక్సిజన్ సహా ఇతర ప్రమాదకరమైన స్వభావం కలిగిన వస్తువులను తీసుకెళ్లే వాహనాలకూ కేంద్రం కొత్త రూల్స్ ప్రతిపాదించింది. వాటి ముసాయిదాను(డ్రాఫ్ట్ నోటిఫికేషన్) మంగళవారం విడుదల చేసింది. ఆ వాహనాలు తప్పనిసరిగా వెహికిల్ ట్రాకింగ్ సిస్టమ్ డివైస్ను కలిగి ఉండాలని స్పష్టం చేసింది.
వీటిపై సలహాలు, సూచనలను ఆహ్వానించింది. ఇందుకోసం 30 రోజుల గడువు విధించింది.
ఇవీ చూడండి: డోభాల్ ఇంట్లోకి చొరబాటుకు యత్నం... నిందితుడు అరెస్ట్
