అయోధ్య రామ మందిర నిర్మాణానికి విరాళాల వరద పారుతోంది. ఇప్పటివరకు రూ.100కోట్ల విరాళాలు వచ్చాయని రామజన్మ భూమి తీర్థక్షేత్ర ట్రస్ట్ ప్రధాన కార్యదర్శి చంపత్ రాయ్ వెల్లడించారు.
"పూర్తి సమాచారం ప్రధాన కార్యాలయానికి చేరలేదు. కానీ మా కార్యకర్తల సమాచారం మేరకు ఇప్పటికే రూ.100కోట్ల విరాళాలు వచ్చాయి."
-చంపత్ రాయ్,రామజన్మ భూమి తీర్థక్షేత్ర ట్రస్ట్ ప్రధాన కార్యదర్శి
అయోధ్యలో రాముని గుడి నిర్మాణానికి శ్రీ రామజన్మభూమి తీర్థ క్షేత్ర ట్రస్ట్ విరాళాలు సేకరిస్తోంది. ఫిబ్రవరి 27తో ఈ కార్యక్రమం ముగియనుంది.
మందిర నిర్మాణానికి రాష్ట్రపతి విరాళం ఇవ్వడంపై అడిగిన ప్రశ్నలకు రాయ్ స్పందించారు. అందులో ఎలాంటి తప్పులేదని అన్నారు. రాష్ట్రపతి ఓ భారతీయుడేనని.. ప్రతి భారతీయుడిలోను రాముడు ఉంటాడని అన్నారు. ఈ సర్వోన్నత కార్యానికి శక్తి కలిగిన ప్రతి ఒక్కరూ సాయం చెయ్యవచ్చని అన్నారు.
ఇదీ చదవండి:జీ7 సదస్సుకు మోదీని ఆహ్వానించిన బ్రిటన్
